១. ទទួលទានខ្លាញ់សុខភាពល្អ

 

ត្រូវប្រាកដថាអ្នកទទួលទានខ្លាញ់ប្រភេទល្អរួមមានអាស៊ីតខ្លាញ់ monounsaturated និងអាស៊ីតខ្លាញ់អូមេហ្កា ៣ ផង។ ប្រភពដ៏ប្រសើរនៃអាស៊ីតខ្លាញ់ទាំងនេះរួមមានគ្រាប់ធញ្ញជាតិ, ស៊ុត, ត្រីសម្បូរខ្លាញ់ និងផ្លែបឺរជាដើម។

 

២. បង្កើនការទទួលទានប្រូតេអ៊ីន

 

ប្រូតេអ៊ីនក៏ចាំបាច់ណាស់ដើម្បីគ្រប់គ្រងភាពឃ្លានរបស់អ្នកនិងជួយបំពេញសារធាតុចិញ្ចឹមបន្ថែមក្នុងរបបអាហារ។ មិនត្រឹមតែប៉ុណ្ណឹងទេ ប្រូតេអ៊ីនក៏ជួយពន្លឿនការដុតរំលាយអាហារក្នុងរាងកាយផងដែរ។ ដូច្នេះប្រសិនបើអ្នកមិនទទួលទានអាហារសម្បូរប្រូតេអ៊ីនទេនោះ អ្នកក៏មិនអាចស្រកទម្ងន់បានប្រសើរដូចចិត្តដែរ។

 

៣. បង្កើនការទទួលទានជាតិសសៃ

 

ជាតិសសៃអាចជួយឱ្យអ្នកមានអារម្មណ៍ឆ្អែតបានយូរដែលជួយបានច្រើននៅពេលចង់ស្រកទម្ងន់។ ចូរព្យាយាមទទួលទានជាតិសសៃពីបន្លែផ្លែឈើឱ្យបានយ៉ាងហោចណាស់ ២០ក្រាមជាប្រចាំ។

 

៤. បង្កើនការទទួលទានអាហារសម្បូរវីតាមីន D

 

អាហារសម្បូរវីតាមីន D និងកាល់ស្យូមល្អសម្រាប់ឆ្អឹងរឹងមាំនិងពន្លឿនការស្រកទម្ងន់។ សារធាតុចិញ្ចឹមទាំងនេះមានផ្ទុកក្នុងផលិតផលអាហារផ្សំឡើងពីទឹកដោះគោ, យ៉ាអួរ និងទឹកដោះគោមានជាតិខ្លាញ់ទាប។

 

៥. ធ្វើលំហាត់ប្រាណ

 

ការសិក្សាស្រាវជ្រាវជាច្រើនបានបង្ហាញថា របបអាហារតែមួយមុខមិនអាចជួយឱ្យអ្នកស្រកទម្ងន់បានយ៉ាងប្រសើរឡើយ។ ការហាត់ប្រាណ គឺនៅតែជាគន្លឹះដ៏ចាំបាច់បំផុតមួយសម្រាប់រក្សាសុខភាពរឹងមាំ និងការស្រកទម្ងន់ដែលលើស។ ការធ្វើលំហាត់ប្រាណក៏សំខាន់សម្រាប់កសាងសាច់ដុំដែលនឹងជួយបង្កើនការដុតបំផ្លាញជាតិខ្លាញ់ផងដែរដោយសាររាងកាយត្រូវការដុតកាឡូរីកាន់តែច្រើនដើម្បីជួសជុលសាច់ដុំ។

 

៦. ទទួលទានតែ

 

មិនថាតែបៃតង ឬតែខ្មៅនោះទេ គឺសុទ្ធតែជួយក្នុងការដុតបំផ្លាញជាតិខ្លាញ់ដោយកាត់បន្ថយកម្រិតនៃអ័រម៉ូន cortisol។ ទោះជាយ៉ាងណាតែបៃតងនៅតែមានប្រសិទ្ធភាពខ្ពស់ជាងក្នុងការជួយឱ្យស្រកទម្ងន់ ខណៈដែលវាមានផ្ទុកបរិមាណនៃសារធាតុ epigallocatechin gallate ខ្ពស់។

 

កំណត់សម្គាល់៖ នេះជាអត្ថបទស្រាវជ្រាវដែលមានបំណងផ្តល់ជូននូវព័ត៌មាន និងចែករំលែកចំណេះដឹង មិនមែនសម្រាប់ជំនួសឱ្យការព្យាបាលដោយគ្រូពេទ្យជំនាញតែម្ដងឡើយ។ វេបសាយសុខភាព Health.com.kh សូមមិនទទួលខុសត្រូវចំពោះការព្យាបាលដោយខ្លួនឯងតាមអត្ថបទខាងលើនោះទេ។ ក្នុងករណីមានបញ្ហាសុខភាព ឬការសង្ស័យពាក់ព័ន្ធណាមួយ សូមធ្វើការណាត់ជួបពិគ្រោះជាមួយគ្រូពេទ្យជំនាញដើម្បីទទួលការពិនិត្យនិងព្យាបាលឱ្យបានត្រឹមត្រូវទើបប្រសើរ៕

 

ត្រួតពិនិត្យ​ដោយ www.health.com.kh