អ្នកនឹងស្គមដូចបំណង បើញាំផ្លែឈើទាំង៥មុខនេះ ឲ្យបានត្រឹមត្រូវ

ពីនេះ ពីនោះ

ព័ត៍មានសុខភាព

សុខភាព

អ្នកនឹងស្គមដូចបំណង បើញាំផ្លែឈើទាំង៥មុខនេះ ឲ្យបានត្រឹមត្រូវ

20, Jan 2022 , 6:59 am

រូបភាព

ដោយ: សារព័ត៌មានថ្មីៗ

ដឹងទេថា ផ្លែឈើអ្វីខ្លះអាចជួយឱ្យស្រកទម្ងន់ និងបង្រួមទំហំចង្កេះរបស់អ្នកបាន ។

ផ្លែឈើទាំងនេះនឹងធ្វើអ្នកសម្រកទម្ងន់ ហើយរាងស្អាតទៀត ៖

១. ឪឡឹក

ឪឡឹកមានផ្ទុកជាតិកាឡូរីទាប ប៉ុន្តែជាតិទឹកខ្ពស់ដែលជួយអោយអ្នកឆាប់ឆ្អែត ឬឆ្អែតបានយូរ។ ឪឡឹកក៏ជាប្រភពដ៏ប្រសើរនៃសារធាតុ arginine មានប្រសិទ្ធិភាពកាត់បន្ថយជាតិខ្លាញ់រាងកាយ ខណៈពេលជួយបង្កើនម៉ាសនៃសាច់ដុំគ្មានខ្លាញ់ផងដែរ។

២. ផ្លែចេក

ចេកក៏ជាជម្រើសនៃផ្លែឈើដ៏ប្រសើរសម្រាប់អ្នកចង់ស្រកទម្ងន់ផងដែរដោយវាមានផ្ទុកជាតិកាឡូរីទាប ប៉ុន្តែសារធាតុចិញ្ចឹមសំខាន់ៗខ្ពស់។ លើសពីនេះទៅទៀតផ្លែចេកមានផ្ទុកសម្បូរទៅដោយជាតិសសៃដែលជួយកម្រិតល្បឿនត្រឹមត្រូវនៃការរំលាយអាហារ។ ការទទួលទានចេកត្រឹមតែមួយផ្លែនឹងធ្វើអោយអ្នកមានអារម្មណ៍ឆ្អែតបានយូរនិងថែមទាំងអាចជួយទប់ស្កាត់ដោះស្រាយបញ្ហាទល់លាមកទៀតផង។

៣. ផ្លែប៉េស

បរិមាណខ្ពស់នៃជាតិទឹកនិងជាតិសសៃក្នុងផ្លែប៉េសអាចជួយបង្កើនសុខភាពប្រព័ន្ធរំលាយអាហារ ទប់ស្កាត់ការធាត់លើសទម្ងន់ ក៏ដូចជាដោះស្រាយបញ្ហាទល់លាមកបានយ៉ាងប្រសើរផងដែរ។ ជាតិសសៃក្នុងផ្លែប៉េសក៏មានប្រសិទ្ធភាពកាត់បន្ថយហានិភ័យនៃជំងឺមហារីកពោះវៀនធំគួរឱ្យកត់សម្គាល់។

៤. ផ្លែប៉ោម

មានផ្ទុកសម្បូរទៅដោយជាតិសសៃ និងជាតិទឹកដែលល្អណាស់សម្រាប់អ្នកចង់ស្រកទម្ងន់។ បន្ថែមពីនេះវាក៏មានលក្ខណៈសម្បត្តិបង្កើនការដុតបំផ្លាញកាឡូរីដែលលើសបានយ៉ាងប្រសើរផងដែរ។

៥. ផ្លែឈើរី

មានផ្ទុកសារធាតុ anthocyanins ដែលជួយកាត់បន្ថយការរលាកនិងកម្ចាត់ជាតិខ្លាញ់ក្នុងរាងកាយ៕

ត្រួតពិនិត្យដោយ www.health.com.kh