ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
ជាទូទៅ ត្រីគឺមានអត្ថប្រយោជន៍ខ្លាំងណាស់ចំពោះសុខភាពរបស់អ្នក ជាពិសេសគឺខួរក្បាលតែម្តង។ សាច់ត្រីពោរពេញទៅដោយជាតិខ្លាញ់អូមេហ្គាបីដែលគេស្គាល់ថាមានប្រយោជន៍ខ្លាំងណាស់សម្រាប់សិរីរាង្គក្នុងខ្លួន។ជាតិខ្លាញ់ទាំងនេះជំនួយដល់មុខងាររបស់ខួរក្បាល ព្រោះវាជួយស្រោបជាស្រទាប់ខ្លាញ់ទៅលើសរសៃប្រសាទអោយបានរឹងមាំល្អ។ អូមេហ្គាបីនឹងស្រោបសរសៃប្រសាទដោយជាតិខ្លាញ់ល្អៗដើម្បីអោយវាធ្វើចលនាបានយ៉ាងងាយស្រួលទៅក្នុងខួរក្បាល។ អូមេហ្គាបីក៏ផ្តល់ជាអុកស៊ីសែនកាន់តែច្រើនទៅក្នុងខួរក្បាល, រក្សាព័ត៌មានថ្មីៗ និងនឹកឃើញព័ត៌មានចាស់ៗមកវិញបាន។ ត្រីដែលមានតម្លៃ និងរស់ជាឆ្ងាញ់បំផុតសម្រាប់សុខភាពខួរក្បាលគឺត្រីសាលមុង, និងត្រីធូណា។
អ្វីដែលល្អនោះគឺថា បើសិនជាអ្នកមិនមែនជាមនុស្សចូលចិត្តត្រីទេ ការស្រាវជ្រាវថ្មីៗភាគច្រើនបានបង្ហាញអោយដឹងថា ការញ៉ាំត្រីតែម្តង ឬពីរដងក្នុងមួយថ្ងៃគឺវាគ្រប់គ្រាន់នឹងទទួលបានអត្ថប្រយោជន៍របស់វាទៅហើយ។ មួយវិញទៀត វិទ្យាស្ថានជាតិសុខាភិបាលបានណែនាំថា មនុស្សយើងគួរតែញ៉ាំត្រីយ៉ាងហោចណាស់ ២ភាគរយនៃកាឡូប្រចាំថ្ងៃសរុបរបស់ពួកគេ ដែលមានអូមេហ្គាបីស្មើនឹង ៤ក្រាមក្នុងមួយថ្ងៃ។ បើសិនជាអ្នកមិនញ៉ាំសាច់សត្វ ឬមានបញ្ហានឹងសាច់ត្រីពេលញ៉ាំអាហារ អ្នកអាចប្រើប្រាស់ជាថ្នាំបំប៉នប្រភេទខ្លាញ់ត្រី ឬ អូមេហ្គាបី DHA ក៏បានដែរ។ ទោះបីជាទិន្នន័យថ្មីពី Consumer Reporters បញ្ជាក់ថា មានប្រជាជនអាមេរិកកាន់តែច្រើនកំពុងតែទិញថ្នាំបំប៉នអូមេហ្គាបីច្រើនជាងមុនក៏ដោយ ក៏ការណែនាំរបស់វេជ្ជបណ្ឌិតនិយាយថាការញ៉ាំត្រីពិតប្រាកដនៅតែមានប្រយោជន៍ដល់សុខភាពដដែល។
ខាងក្រោមនេះគឺជាវិធីប្រាំយ៉ាងក្នុងការបន្ថែមកម្រិតអាហារត្រីដល់របបអាហាររបស់អ្នកដើម្បីពង្រឹងសុខភាព។
បង្ការជំងឺបេះដូង
ការសិក្សារបស់ប្រជាជន ដានីស ទៅលើស្ត្រីចំនួន ៤៩០០០នាក់ដែលត្រូវបានចុះផ្សាយនាពេលថ្មីៗនេះ ក្នុងចំណងជើងជំងឺលើសសម្ពាធឈាម ដែលជាសារព័ត៌មានរបស់សមាគមន៍ជំងឺបេះដូងអាមេរិកបានរកឃើញថា ស្ត្រីដែលមិនញ៉ាំត្រីសោះ ឬញ៉ាំតិចតួចមានបញ្ហាច្រើនជាងស្ត្រីដែលញ៉ាំត្រីយ៉ាងហោចណាស់ម្តងក្នុងមួយសប្តាហ៍រហូតដល់ ៥០ភាគរយ។ លើសពីនេះទៅទៀត អ្នកស្រាវជ្រាវបានរកឃើញថា ស្ត្រីដែលកម្រិតញ៉ាំត្រីមានការប្រឈមនឹងជំងឺជាងអ្នកឧស្សាហ៍ញ៉ាំត្រី ៣ដង។ ការស្រាវជ្រាវផ្សេងៗទៀតបានរកឃើញថា ការញ៉ាំត្រីដែលមានខ្លាញ់អូមេហ្គាបីខ្ពស់អាចកាត់បន្ថយកម្រិតជាតិខ្លាញ់ក្នុងឈាម ដែលវាបន្ថយដល់ការប្រឈមនឹងជំងឺបេះដូងបាន។
កាត់បន្ថយការប្រឈមនឹងជំងឺភ្លេចភ្លាំង
បើយោងទៅតាមការស្រាវជ្រាវថ្មីមួយដែលបានបង្ហាញកាលពីខែមុននៅឯសង្គមវិទ្យុសាស្ត្រនៃការប្រឈមប្រចាំឆ្នាំរបស់អាមេរិកខាងជើង បានអោយដឹងថា ការញ៉ាំត្រីម្តងក្នុងមួយសប្តាហ៍អាចជួយបង្ការបញ្ហាទៅលើសរសៃប្រសាទក្នុងតំបន់ Gray-matter បានដែលជាផ្នែកមួយនៃខួរក្បាលសម្រាប់ជាទំនាក់ទំនងដល់ការចងចាំ និងការចេះដឹង។ អ្នកស្រាវជ្រាវបានរកឃើញថា អ្នកដែលញ៉ាំត្រីអាំង ឬដុត តែមិនមែនដោយការចៀន ឬឆាទេ គឺមានខួរក្បាល និងកោសិកាធំៗ សម្រាប់ទទួលខុសត្រូវក្នុងការចងចាំ និងសិក្សា។ អ្នកវិទ្យាសាស្ត្រជឿថា ខួរក្បាលដែលមានទំហំធំអាចជួយកាត់បន្ថយការប្រឈមនឹងការថយចុះភាពឆ្លាតវៃ និងជំងឺភ្លេចភ្លាំង។
ពង្រឹងដល់សុខភាពស្បែក និងសក់
ខ្លាញ់អូមេហ្គាបីដែលមានក្នុងសាច់ត្រីពិតជាខ្លាញ់ប្រកបដោយសុខភាពមួយប្រភេទសម្រាប់ថែរក្សាស្បែករបស់អ្នកអោយមើលទៅមានការការពារ និងសក់មានពន្លឺ។ ការស្រាវជ្រាវក៏បានភ្ជាប់ការញ៉ាំត្រីនិងខ្លាញ់អូមេហ្គាបីជាការព្យាបាលជំងឺស្បែកដូចជា ការកន្រួលក្រហមៗលើស្បែក។
បំបាត់ការបាក់ទឹកចិត្ត
ការសិក្សាជាច្រើនបានរកឃើញថា នៅពេលប្រើថ្នាំបំបាត់ការបាក់ទឹកចិត្តរយៈពេលយូរជាមួយខ្លាញ់អូមេហ្គាបីដែលមានក្នុងសាច់ត្រី វារឹងតែធ្វើអោយការព្យាបាលនេះកាន់តែមានប្រសិទ្ធភាពជាងប្រើថ្នាំតែមួយមុខ។ ការសិក្សាមួយទៅលើស្ត្រីចំនួន ៥២នាក់បានរកឃើញថា ការប្រើថ្នាំគ្រាប់អូមេហ្គាបី ៣០០មីលីក្រាមក្នុងពេលមានផ្ទៃពោះជួយកាត់បន្ថយបន្ថយការប្រឈមនឹងការបាក់ទឹកចិត្តក្រោយសម្រាលបាន។
បង្កើនការលូតលាស់របស់ខួរក្បាល
EFAអូមេហ្គាបី ដែលមានក្នុងត្រីសាលម៉ុង និងត្រីសម្បូរជីវជាតិផ្សេងៗទៀតសុទ្ធតែជាជីវជាតិដ៏សំខាន់សម្រាប់កុមារ ព្រោះវាជួយបង្កើនការលូតលាស់ដល់ខួរក្បាលរបស់គេ។ ការសិក្សាមួយចំនួនបានរកឃើញថាការទទួលទានខ្លាញ់អូមេហ្គាបីអាចជួយកាត់បន្ថយរោគសញ្ញារបស់ជំងឺ ADHD បាន។ ទោះបីជាយ៉ាងណាក៏ដោយ អ្នកឯកទេសជាច្រើនបានណែនាំអោយឪពុកម្តាយទាំងឡាយសួរគ្រូពេទ្យព្យាបាលកូនរបស់ពួកគេសិនមុនពេលសម្រេចចិត្តអោយកូនប្រើថ្នាំបំប៉ន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
