១. ប្រេងអូលីវ និងផ្លែបឺរសម្រាប់ធ្វើឱ្យសក់មានទម្ងន់ទន់រលាស់

 

អ្វីដែលអ្នកត្រូវធ្វើ គឺគ្រាន់តែហាន់ផ្លែបឺរទុំ ១ផ្លែជាដុំតូចៗ បន្ទាប់មកកិនលាយជាមួយប្រេងអូលីវពី ២ ទៅ ៣ស្លាបព្រាបាយ និងទឹកឃ្មុំ ១ស្លាបព្រាបាយឱ្យម៉ដ្ឋសព្វចូលគ្នា។ បន្ទាប់មកចាប់ផ្ដើមលាបល្បាយម៉ាសលើសក់ដែលសើមៗចាប់ពីគល់ដល់ចុង។ រងចាំសម្រាប់រយៈពេល ៤០ ទៅ ៤៥នាទី សឹមលាងសម្អាតចេញជាមួយទឹក, រួចកក់សក់ជាមួយសាប៊ូនិងប្រើប្រាស់ក្រែមបន្ទន់ដូចពេលធម្មតា។

 

២. ប្រេងអូលីវ និងចេកទុំសម្រាប់សក់ស្ងួត

 

អ្វីដែលអ្នកត្រូវធ្វើ គឺគ្រាន់តែកិនចេកទុំ ១ផ្លែជាមួយទឹកឃ្មុំ ១ស្លាបព្រាកាហ្វេ និងប្រេងអូលីវ ៤ស្លាបព្រាបាយឱ្យសព្វចូលគ្នា។ បន្ទាប់មកសឹមលាបល្បាយលើសក់ ជាពិសេសផ្ដោតសំខាន់លើផ្នែកខាងចុងនៃសក់។ រងចាំសម្រាប់រយៈពេល ៣០នាទី សឹមលាងសម្អាតចេញជាមួយទឹកក្ដៅឧណ្ហៗ និងប្រើប្រាស់សាប៊ូកក់សក់និងក្រែមបន្ទន់កម្រិតស្រាលជាការស្រេច។

 

៣. ប្រេងអូលីវ និងប្រេងដូងសម្រាប់ព្យាបាលសក់ដែលខូច

 

អ្វីដែលអ្នកត្រូវធ្វើ គឺគ្រាន់តែលាយប្រេងដូងពី ២ ទៅ ៣ស្លាបព្រាបាយជាមួយប្រេងអូលីវ ២ស្លាបព្រាបាយ រួចដាក់កម្ដៅឱ្យក្ដៅឧណ្ហៗបន្តិច សឹមបន្ថែមទឹកឃ្មុំ ២ស្លាបព្រាបាយចូល។ លាបម៉ាស្សាល្បាយលើសក់និងស្បែកក្បាល។ រងចាំសម្រាប់រយៈពេលពី ៣០ ទៅ ៤៥ នាទី សឹមលាងសម្អាតចេញឱ្យជ្រះសព្វ ដោយកុំភ្លេចកក់សក់ជាមួយសាប៊ូនិងប្រើប្រាស់ក្រែមបន្ទន់ផង។ អនុវត្តម្ដងក្នុងមួយសប្តាហ៍។

 

កំណត់សម្គាល់៖ នេះជាអត្ថបទស្រាវជ្រាវដែលមានបំណងផ្តល់ជូននូវព័ត៌មាន និងចែករំលែកចំណេះដឹង មិនមែនសម្រាប់ជំនួសឱ្យការព្យាបាលដោយគ្រូពេទ្យជំនាញតែម្ដងឡើយ។ វេបសាយសុខភាព Health.com.kh មិនទទួលខុសត្រូវចំពោះការព្យាបាលដោយខ្លួនឯងតាមអត្ថបទខាងលើនោះទេ។ ក្នុងករណីមានបញ្ហាសុខភាព ឬការសង្ស័យពាក់ព័ន្ធណាមួយ សូមធ្វើការណាត់ជួបពិគ្រោះជាមួយគ្រូពេទ្យជំនាញដើម្បីទទួលការពិនិត្យនិងព្យាបាលឱ្យបានត្រឹមត្រូវទើបប្រសើរ៕

 

ត្រួតពិនិត្យ​ដោយ www.health.com.kh