ហេតុអ្វីត្រូវមានសំបុត្រអត្រានុកូលដ្ឋាន?
 

សំបុត្រអត្រានុកូលដ្ឋាន មានសារៈសំខាន់ណាស់សម្រាប់ពលរដ្ឋគ្រប់រូប។ ការចុះសំបុត្រអត្រានុកូលដ្ឋាន ធ្វើឱ្យបុគ្គលម្នាក់ៗទទួលបានសិទ្ធិសេដ្ឋកិច្ច សង្គម នយោបាយ និងករណី​យ​កិច្ចនានា រួមមានសិទ្ធិក្នុងការបោះឆ្នោតនិងឈរឈ្មោះបោះឆ្នោត សិទ្ធិទទួលបានការអប់រំនិងការងារ សិទ្ធិទទួលបានយុត្តិធម៌និងការជំនុំជម្រះក្ដីដោយយុត្តិធម៌ និងសិទ្ធិកាន់កាប់កម្មសិទ្ធិ។ ជាឧទាហរណ៍ ដើម្បីអាចធ្វើអត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែន​បាន ទាល់តែមានសំបុត្រអត្រានុកូលដ្ឋាននេះ។

 

ប្រសិនបើគ្មានសំបុត្រអាត្រានុកូលដ្ឋាន តើនឹងប្រឈមបញ្ហាបែបណា? 
 

សំបុត្រអត្រានុកូលដ្ឋាន ពិតជាមានសារៈសំខាន់ ដូច្នេះប្រសិនបើគ្មានការចុះសំបុត្រអត្រានុកូលដ្ឋានត្រឹមត្រូវទេនោះ វានឹងនាំឱ្យមានបញ្ហាដល់ខ្លួនឯង និងសង្គម ដូចជាមិនអាចធ្វើការងារ បើកអាជីវកម្ម និងតវ៉ាចំពោះមុខច្បាប់ អំពីបញ្ហានានាបាននោះទេ។ ពលរដ្ឋអាចទៅធ្វើសំបុត្រកំណើត សំបុត្រអាពាហ៍ពិពាហ៍ និងសំបុត្រមរណភាព នៅសាលាឃុំ ឬសង្កាត់ និងការិយាល័យច្រកចេញចូលតែមួយ៕

 

(ដកស្រង់ចេញពីសៀវភៅ តម្រង់ទិសវិជ្ជាជីវៈ «ឯកសារចំណេះដឹង អត្រានុកូលដ្ឋាន» របស់អង្គការស៊ីប៉ា)