Everton បានតែងតាំងលោក Frank Lampard ជាអ្នកចាត់ការទូទៅថ្មីជំនួសលោក Rafael Benítez ដោយចុះកិច្ចសន្យារយៈពេល២ឆ្នាំកន្លះ។ មិនត្រឹមទទួលបានអតីតគ្រូ Chelsea ជាអ្នកចាត់ការនោះទេ Everton អាចយកបានខ្សែបម្រើពីររូបថែមទៀតនៅថ្ងៃទីផ្សារដោះដូរកីឡាករចុងក្រោយ។
 

Everton បានយល់ព្រមលើកិច្ចព្រមព្រៀងខ្ចី Van de Beek ពី Manchester United ហើយ Dele Alli ក៏ក្រុមរហស្សនាមស្កគ្រាប់ទិញយកពី Spurs ផងដែរ ក្នុងតម្លៃប្រមាណ៥៣លានដុល្លារអាម៉េរិក។
 

ចំណែក Spurs ​វិញ ​បើទោះពួកគេបញ្ចេញកីឡាមួយចំនួននៅអំឡុងទីផ្សារលើកទី២នេះ ប៉ុន្តែអ្នកចាត់ការទូទៅលោក Antonio Conte ក៏បាននាំចូលកីឡាករពីររូបពី Juventus ផងដែររួមមាន Dejan Kulusevski ក្នុងលក្ខខណ្ឌខ្ចីជើង និង Rodrigo Bentancur ក្នុងតម្លៃ១៨លានដុល្លារ។
 

Pierre-Emerick Aubameyang ត្រូវបាន Arsenal អនុញ្ញាតឱ្យចាកចេញទៅចូលរួមជាមួយ Barcelona ដោយគ្មានតម្លៃផ្ទេរ។ ខ្សែប្រយុទ្ធសញ្ជាតិហ្កាបុង វ័យ៣២ឆ្នាំរូបនេះ មានបញ្ហាខ្លះជាមួយក្រុមរហស្សនាមកាំភ្លើងធំនៅរយៈពេលចុងក្រោយនេះ។
 

- Luke Plange ផ្ទេរពី Derby ទៅ Crystal Palace មិនបង្ហាញតម្លៃ

- Jean-Philippe Mateta ពី Mainz 05 ទៅ Crystal Palace មិនបង្ហាញតម្លៃ

- Dan Burn ចេញពី Brighton ទៅ Newcastle ក្នុងតម្លៃ ១៤,៥លានដុល្លារ

- Deniz Undav ពី Royale Union Saint-Gilloise ទៅ Brighton មិនបង្ហាញតម្លៃ

- Matt Targett ពី Aston Villa ទៅ Newcastle ខ្ចីជើង

- Julian Alvarez ពី River Plate ទៅ Manchester City ក្នុងតម្លៃ១៦លានដុល្លារ៕