៣គ្រាប់ជ័យជម្នះរបស់សេណេហ្គាល់រកបានដោយកីឡាករ Abdou Diallo កីឡាករ Idrissa Gueye និងខ្សែប្រយុទ្ធ Sadio Mane ក្រុម Liverpool ។ ១គ្រាប់របស់ក្រុមបួគីណាហ្វាសូស៊ុតដោយកីឡាករ Ibrahim Blati Toure។
 

ជាលើកទីបីដែលសេណេហ្គាល់ បានកៅអីវគ្គផ្តាច់ព្រ័ត្រ ហើយក៏ជាលើកទីពីរជាប់គ្នា។  កាលពីឆ្នាំ២០១៩ សេណេហ្គាល់ឡើងទៅវគ្គផ្តាច់ព្រ័ត្រដែរ ប៉ុន្តែចាញ់ក្រោមថ្វីជើងក្រុមអាល់ហ្សេរីក្នុងលទ្ធផល ១-០។ 
 

សេណេហ្គាល់ មិនធ្លាប់ស្គាល់រស់ជាតិពានរង្វាន់កំពូលនេះម្តងឡើយ។ ពួកគេនឹងត្រូវស្វែងរកឱកាសកាន់ពានកំពូលទ្វីបអាហ្រ្វិកនេះជាលើកដំបូងនាវគ្គផ្តាច់ព្រ័ត្រថ្ងៃទី៦ ខែកុម្ភៈ។

ក្រុមនេះ ត្រូវតទល់ក្រុមដែលឈ្នះការប្រកួតរវាងម្ចាស់ផ្ទះកាមេរូន និងអេហ្ស៊ីបនៅថ្ងៃទី៤ ខែកុម្ភៈ៕