FIFA បានបង្កើនការដាក់សម្ពាធជាបន្តបន្ទាប់លើរុស្ស៊ី ដោយចុងក្រោយនេះ FIFA បានហាមមិនឱ្យការប្រកួតក្នុងទឹកដីរុស្ស៊ីឡើយ។ កន្លងមក ប៉ូឡូញ ស៊ុយអែត និងសាធារណរដ្ឋឆែក បានបដិសេធមិនប្រកួតក្នុងរុស្ស៊ីឡើយ។
 

មិនត្រឹមតែប៉ុណ្ណោះ UEFA ក៏បានដកកីឡដ្ឋាន Saint Petersburg ក្នុងនាមជាទីកន្លែងប្រកួតពានរង្វាន់ Champions League វគ្គផ្តាច់ព្រ័ត្រចេញ ហើយប្តូរទៅកាន់ប្រទេសបារាំងវិញ។ 

«FIFA សូមបញ្ជាក់ជាថ្មីម្តងទៀតអំពីការថ្កោលទោសចំពោះបញ្ហាដែលរុស្ស៊ីបានវាយប្រហារចូលអ៊ុយក្រែន។ អំពើហិង្សាមិនមែនជាដំណោះស្រាយឡើយ ហើយ FIFA ក៏នឹងបង្ហាញពីសាមគ្គីភាពជាមួយប្រជាជនដែលរងផលប៉ះពាល់ក្នុងប្រទេសអ៊ុយក្រែនទាំងមូល។»FIFA បានលើកឡើងក្នុងសេចក្តីថ្លែងការណ៍ថ្ងៃទី២៧ ខែកុម្ភៈ។
 

មិនត្រឹមតែត្រូវបានហាមឃាត់មិនឱ្យមានការប្រកួតក្នុងប្រទេស ការប្រើប្រាស់ទង់តំណាងជាតិ និងភ្លេងជាតិឡើយ FIFA ក៏បានហាមឃាត់មិនមានអ្នកគាំទ្ររុស្ស៊ីឡើយអំឡុងការប្រកួតផ្សេងៗ។ 
 

FIFA ក៏កំពុងស្វែងរកដំណោះស្រាយឱ្យក្រុមប៉ូឡូញ ស៊ុយអែត ឆែកសម្រាប់ការប្រកួតវគ្គជម្រុះ World Cup 2022 ជាមួយក្រុមរុស្ស៊ីផងដែរ។ ប្រទេសទាំងបីបានចោទការសម្រេចចិត្តរបស់ FIFA ថា មិនអាចទទួលយកបាន និងមិនយល់ព្រមប្រកួតជាមួយរុស្ស៊ីឡើយបើទោះបីជាក្រុមរុស្ស៊ីប្តូរឈ្មោះផ្សេងក៏ដោយ៕