ក្លិប Everton បានសម្រេចផ្អាករាល់កិច្ចព្រមព្រៀងពាណិជ្ជកម្ម និងម្ចាស់ឧបត្ថម្ភដែលជាប់ពាក់ព័ន្ធទៅនឹងក្រុមហ៊ុនរបស់រុស្ស៊ីដែលគ្រប់គ្រងដោយមហាសេដ្ឋី Alisher Usmanov។ Lampard បានចាត់ទុកការសម្រេចិត្តមួយនេះជារឿងត្រឹមត្រូវសម្រាប់ក្លិប Everton។
 

មិនខុសពីក្លិបដទៃនៅតំបន់អឺរ៉ុប ​Everton បានបង្ហាញការគាំទ្រដល់អ៊ុយក្រែនបន្ទាប់ពីប្រទេសនេះរងការឈ្លានពានពីសំណាក់រុស្ស៊ី ។
 

«ស្របពេលខ្ញុំបានពិភាក្សាជាមួយថ្នាក់ដឹកនាំក្លិប ហើយខ្ញុំមានភាពជិតស្និទ្ធជាពួកគេ ខ្ញុំពិតជាគាំទ្រការសម្រេចចិត្តរបស់ពួកគេ ពួកគេគឺធ្វើបានត្រឹមត្រូវណាស់។» Lampard ប្រាប់ទៅកាន់អ្នកកាសែតបែបនេះ។
 

កាលពីថ្ងៃទី២៦ ខែកុម្ភៈ នាជំនួបក្របខណ្ឌ Premier league ទល់ជាមួយក្រុមមេឃខៀវ Manchester City កីឡាករក្រុមស្ថិតនៅតំបន់ Merseyside បានកាន់ទង់ជាតិប្រទេសអ៊ុយក្រែនដើម្បីបង្ហាញការគាំទ្រ។ គ្រូបង្វឹកវ័យ៤៣ឆ្នាំ ក៏បានចាត់ទុកទង្វើរបស់កូនក្រុមជារឿងដ៏ត្រឹមត្រូវផងដែរ៕