កីឡាករវ័យ២០ឆ្នាំបានបញ្ចប់ចំណាត់ថ្នាក់លេខ៣នៅក្នុងការប្រកួតវិញ្ញាសារ Parallel Bars វគ្គផ្តាច់ព្រ័ត្រនៅក្នុងការប្រកួតព្រឹត្តិការណ៍ Apparatus World Cup នៅទីក្រុងឌូហាក្នុងសប្តាហ៍នេះ។ អំឡុងពេលទទួលមេដាយ Ivan Kuliak បានឈរដោយពាក់ឈុតកីឡាកាយសម្ព័ន្ធដែលមានសញ្ញាជាអក្សរ Z នៅខាងមុខ ខណៈពេលកំពុងតែឈរជិតកីឡាករសញ្ជាតិអ៊ុយក្រែន Illia Kovtun ដែលឈ្នះមេដាយមាស។
 

អក្សរ Z បានទាក់ទាញចំណាប់អារម្មណ៍គេឯង ព្រោះត្រូវបានគូសចំណាំនៅលើយោធោបករណ៍ទាំងអស់។ 
 

«សហព័ន្ធកីឡាកាយសម្ព័ន្ធអន្តរជាតិ នឹងជជែកជាមួយស្ថាប័នសីលធម៌កីឡាកាយសម្ព័ន្ធក្នុងការបើកនីតិវិធី ព្រមទាំងផាកពិន័យលើអត្តពលិក Kuliak បន្ទាប់ពីគេបានបង្ហាញអាក្បកិរិយាដែលគួរឱ្យភ្ញាក់ផ្អើលក្នុងការប្រកួត Apparatus World Cup។» នេះបើតាមសេចក្តីថ្លែងការណ៍របស់ FIG។
 

សហព័ន្ធ FIG ក៏បានចូលរួមប្រឆាំងទៅនឹងរុស្ស៊ីដែរ ដោយបានប្រកាសលុបរាល់កម្មវិធីប្រកួតទាំងអស់របស់ខ្លួនក្នុងរុស្ស៊ីនិងបេឡារុសរហូតដល់មានការសម្រេចចិត្តជាថ្មីនៅពេលក្រោយ៕