ក្រោយទទួលជ័យជម្នះ និងឡើងទៅកាន់វគ្គ១/៤ នៃពានរង្វាន់ Champions League លោក Ancelotti សរសើរខ្សែប្រយុទ្ធសញ្ជាតិបារាំងថាជាកីឡាករដ៏អស្ចារ្យនិងដឹកនាំក្រុមបានយ៉ាងល្អ។
 

«Karim Benzema គឺជាមេដឹកនាំក្រុមដ៏អស្ចារ្យ ជាខ្សែប្រយុទ្ធដ៏អស្ចារ្យ ហើយខ្ញុំពិតជាសប្បាយចិត្តខ្លាំងជាមួយអ្វីដែលគាត់បានធ្វើឡើងក្នុងរាត្រីនេះ។ PSG គឺជាក្រុមដ៏ខ្លាំងមួយ ជាមួយកីឡាករខ្លាំងៗ គ្រប់យ៉ាងក្នុងបាល់ទាត់គឺអាចប្រែប្រួលបានគ្រប់យ៉ាង។»លោក Ancelotti និយាយប្រាប់អ្នកកាសែតបែបនេះ។
 

Karim Benzema បន្ទាប់ពីរកបាន Hat-Trick ទល់ PSG ខ្សែប្រយុទ្ធសញ្ជាតិបារាំង បានក្លាយជាកីឡាករដែលវ័យចាស់ជាងគេដែលអាចស៊ុត Hat-Trick ក្នុងប្រវត្តិសាស្រ្តពានរង្វាន់ Champions League ក្នុងវ័យ ៣៤ឆ្នាំនិង៨០ថ្ងៃ។

កំណត់ត្រានេះត្រូវបានគ្រប់គ្រងដោយកីឡា Olivier Giroud ដោយធ្វើបាននៅឆ្នាំ ២០២០ ពេលការប្រកួត Chelsea ទល់ Sevilla៕