ដើម្បីបន្តចូលរួមទប់ស្កាត់ការឆ្លងរាលដាលជំងឺកូវីដ-១៩ គណៈកម្មការជាតិប្រយុទ្ធនឹងជំងឺកូវីដ-១៩ បាននាំចូលឱសថម៉ូលណាទ្រីស សម្រាប់ព្យាបាលជំងឺកូវីដ-១៩ ហើយអនុញ្ញាតឱ្យពលរដ្ឋមានសិទ្ធទិញត្រឹម១០ដូសប៉ុណ្ណោះក្នុង១នាក់។ ចំណែកឯ ខាងមន្ទីរពេទ្យ គ្លីនិក ឱសថស្ថានរង ដែលលក់បន្ត អាចមានសិទ្ធិទិញពី១០-១០០ដូសប៉ុណ្ណោះ។ 
 

ឱសថម៉ូលណាទ្រីស តម្លៃ៥៥ដុល្លារ។ នេះបើតាមសេចក្ដីជូនដំណឹងដដែល ដោយបញ្ជាក់ថា ករណីមន្ទីរពេទ្យឯកជន គ្លីនិក ឱសថស្ថាន ឱសថស្ថានរង និងអ្នកលក់បន្ត យកទៅលក់លើសពីតម្លៃកំណត់ អាជ្ញាធរនឹងចាត់វិធានការ តាមនីតិវិធីជាធរមាន។ 
 

សាធារណជនទាំងអស់អាចបញ្ជាទិញឱសថម៉ូលណាទ្រីស(Molnupiravir Capsules 200mg) នៅទីស្ដីការក្រសួងប្រៃសណីយ៍ និងទូរគមនាគមន៍ និងសាខាប្រៃសណីយ៍កម្ពុជាខេត្ត៕