អំឡុងការប្រកួតជាមួយក្លិប Bordeaux កីឡាករសំខាន់ៗដូចជាខ្សែប្រយុទ្ធ Kylian Mbappe Neymar និង Leandro Paredes រងការស្រែករិះគន់ពីសំណាក់អ្នកគាំទ្រ បើទោះបីស្វែករកគ្រាប់បាល់បានក៏ដោយ។
 

អ្នកចាត់ការ PSG លោក Mauricio Pochettino និយាយថា លោកមានអារម្មណ៍ពិបាកចិត្តខ្លាំងចំពោះស្ថានភាពបែបនេះ។
 

«គ្មាននរណាម្នាក់ចង់ស្ថិតក្នុងបរិបទនេះឡើយ។ វាបានធ្វើឱ្យខ្ញុំពិបាកចិត្តខ្លាំងណាស់។ ចំពោះអ្នកដែលគាំទ្រក្លិប PSG ពួកគេមានអារម្មណ៍ពិបាកចិត្តដោយសារតែ Real Madrid ។ ខ្ញុំក៏ពិបាកចិត្តចំពោះបទពិសោធថ្ងៃនេះ»។ លោក Pochettino និយាយប្រាប់អ្នកកាសែតបែបនេះ។
 

ក្រោយធ្លាក់ចេញពី Champions league ៤ថ្ងៃក្រោមថ្វីជើងក្លិប Real Madrid ក្នុងចំណោមកីឡាករ PSG ទាំងអស់ ខ្សែប្រយុទ្ធប្រេស៊ីល Neymar រងការស្រែកចំអកឌឺដងជាងគេ។ 
 

អំឡុង Neymar ត្រៀមទាត់បាល់ពិន័យពិន័យ អ្នកគាំទ្របែប Ultra របស់ PSG បានស្រែកខ្លាំងទៅកាន់ប្រធានក្លិបលោក Nasser Al Khelaifi និងប្រធានផ្នែកកីឡាករ Leonardo ឱ្យ បញ្ចប់កុងត្រារបស់ខ្សែប្រយុទ្ធវ័យ៣០ឆ្នាំ៕