ក្រៅពីបញ្ជាក់ដូច្នេះ តាមរយៈសេចក្តីជូនដំណឹង​ចុះថ្ងៃទី៥ មេសា ក្រសួងសាធារណការ ក៏បានព្រមាន​ផ្អាក​អាជីវកម្មយានដ្ឋាន​កែច្នៃដំឡើងរថយន្ត ដែលបានធ្វើសកម្មភាពកែច្នៃដំឡើងម៉ូឌែលរថយន្តដែលប៉ះពាល់ដល់ផ្នែកសុវត្ថិភាពរបស់យាន ដោយមិនបានស្នើសុំការអនុញ្ញាតកែច្នៃដំឡើង ពីក្រសួងផងដែរ។ 

 

​ចំណាត់របស់ក្រសួងសាធារណការនាពេលនេះ គឺដើម្បី​ធានាសន្តិសុខ សណ្តាប់ធ្នាប់ សុវត្ថិភាព និងការគ្រប់គ្រងយាយន្តធ្វើចរាចរណ៍លើផ្លូវថ្នល់ ខណៈដែលក្រសួងបាន​សង្កេតឃើញថា មានរថយន្តគ្រួសារមួយចំនួន បានកែច្នៃដំឡើងម៉ូឌែលរថយន្ត មិនត្រឹមត្រូវតាមលក្ខណៈបច្ចេក​ទេស និងគ្មានការអនុញ្ញាតពីក្រសួងសាធារណការ និងដឹកជញ្ជូន ដែលបណ្តាលឱ្យប៉ះពាល់ដល់ផ្នែកសុវត្ថិភាពរបស់យាន និងបានធ្វើឱ្យប្រែប្រួលអត្តសញ្ញាណសម្គាល់របស់រថយន្ត​។ 

 

បើតាមក្រសួងសាធារណការ ​ការកែច្នៃដំឡើងម៉ូឌែលរថយន្តនេះ គឺផ្ទុយពីមាត្រា១៩ ស្តីពីការគ្រប់គ្រងយានយន្តជួសជុលរថយន្ត និងយានដ្ឋានកែច្នៃដំឡើងយានយន្ត​៕

 

 

​