ពីខែមករាដល់ខែធ្នូ ឆ្នាំ២០២១ កម្ពុជាមានទំហំពាណិជ្ជកម្មប្រមាណ៤៨ពាន់លានដុល្លារអាម៉េរិក។ ជុំវិញនៃទំនាក់ទំនងពាណិជ្ជកម្មនេះ សារព័ត៌មានថ្មីៗ(ThmeyThmey)សូមលើកយកប្រទេសនិងតំបន់ចំនួន១០ដែលមានទំហំពាណិជ្ជកម្មច្រើនជាងគេ​ជាមួយកម្ពុជា ដោយក្នុងនោះមាន៖

 

លំដាប់លេខ១ជាមួយប្រទេសចិន៖ មានទំហំពាណិជ្ជកម្មជាង១១ពាន់ដុល្លារ ដោយក្នុងនោះ ទំនិញដែលកម្ពុជានាំចូលពីចិន មានតម្លៃរហូតដល់៩,៦ពាន់ដុល្លារ។​

 

លំដាប់លេខ២ជាមួយសហរដ្ឋអាមេរិក៖ មានទំហំពាណិជ្ជកម្ម​ជាង៧,៨ពាន់លានដុល្លារ។ កម្ពុជា​​ នាំទំនិញទៅប្រទេសមហាអំណាចក្នុងពិភពលោកមួយនេះមានតម្លៃជិត៧,៥ពាន់ដុល្លារ ខណៈការនាំចូលវិញមានត្រឹមជាង៣៣០លានដុល្លារប៉ុណ្ណោះ។ 

 

លំដាប់លេខ៣ជាមួយសិង្ហបុរី៖  មានទំហំពាណិជ្ជកម្មជាមួយគ្នាជាង៥,២ពាន់លានដុល្លារ ដោយកម្ពុជានាំទំនិញចេញទៅប្រទេសនេះ មានតម្លៃត្រឹមជិត១២០លានដុល្លារ តែនាំចូលវិញរហូតដល់ជិត៥,១ពាន់លានដុល្លារ។ 
 

លំដាប់លេខ៤ជាមួយវៀតណាម៖​ មានទំហំពាណិជ្ជកម្មប្រមាណ៥,១ពាន់លានដុល្លារ។ កម្ពុជានាំទំនិញចេញទៅប្រទេសនេះ មានតម្លៃជិត២ពាន់លានដុល្លារ និងនាំចូលវិញមាន៣,១ពាន់លានដុល្លារ។​

 

លំដាប់លេខ៥ជាមួយថៃ៖​ មានទំហំពាណិជ្ជកម្មជាង៤ពាន់លានដុល្លារ។​ កម្ពុជា នាំទំនិញទៅប្រទេសនេះជាង៦២០លានដុល្លារ និងចូលវិញមាន​៣,៤ពាន់លានដុល្លារ។​

 

លំដាប់លេខ៦ជាមួយជប៉ុន៖ មានទំហំពាណិជ្ជកម្មជាង១,៧ពាន់លានដុល្លារ។ កម្ពុជា នាំទំនិញទៅប្រទេសនេះជាង១ពាន់លានដុល្លារ និងចូលវិញមានប្រមាណ៦៤០លានដុល្លារ។​

 

លំដាប់លេខ៧ជាមួយតៃវ៉ាន់៖ មានទំហំពាណិជ្ជកម្មជាង១ពាន់លានដុល្លារ។ កម្ពុជា នាំទំនិញទៅតំបន់នេះជិត៩៧លានដុល្លារ និងចូលវិញមាន៩៨០លានដុល្លារ។​

 

លំដាប់លេខ៨ជាមួយអាល្លឺម៉ង់៖  មានទំហំពាណិជ្ជកម្មជាង១ពាន់លានដុល្លារ ដោយក្នុងនោះ កម្ពុជានាំទំនិញចេញទៅប្រទេសនេះមានជាង៨៨០លានដុល្លារ និងនាំចូលវិញមានតម្លៃជាង១៦៤លានដុល្លារ។​

 

លំដាប់លេខ៩ជាមួយកាណាដា៖ មានទំហំពាណិជ្ជកម្មជាង៩៩៤លានដុល្លារ ដោយក្នុងនោះ កម្ពុជានាំទំនិញចេញទៅប្រទេសនេះ៩៥៤លានដុល្លារ និងនាំចូលវិញមានតម្លៃជិត៤០លានដុល្លារ។​

 

លំដាប់លេខ១០ជាមួយប្រទេសស្វ៊ីស៖ មានទំហំពាណិជ្ជកម្មប្រមាណ៩៧៤លានដុល្លារ ដោយក្នុងនោះ កម្ពុជានាំទំនិញចេញទៅប្រទេសនេះមានត្រឹម១០លានដុល្លារ តែនាំចូលវិញមានតម្លៃរហូតដល់៩៦៤លានដុល្លារ៕