គួរ​ចៀសវាង​បារី​ និង​ការ​ទទួលទាន​សុរា​ច្រើន​ពេក​។​ ការ​ជក់បារី​បង្កើន​ហានិភ័យ​នៃ​ជំងឺ​បេះដូង​យ៉ាង​ហោច​ណាស់​ ១០​ ដង​,​ហើយ​ការ​ទទួលទាន​សុរា​ច្រើន​ពេក​បង្កើន​ហានិភ័យ​នៃ​ជម្ងឺ​បេះដូង​យ៉ាងច្រើន​ផង​ដែរ​។​ ក៏​បុ​ន្ដែ​ ការ​ទទួលទាន​សុរា​មធ្យម​ (moderate​ use​ of​ alcohol)​ អាច​ជួយ​កាត់​បន្ថយ​ហានិភ័យ​នៃ​ជំងឺ​បេះដូង​។​

 

ភាព​តានតឹង​អារម្មណ៍​រ៉ាំរ៉ៃ​(chronic​ stress),​ ការ​បាក់ទឹកចិត្ដ​ញឹកញាប់​ (frequent​ emotional​ upsets)​ និង​កង្វះ​លំ​ហាត់ប្រាណ​ (lack​ of​ physical​ exercise)​ អាច​បង្កើន​ហានិភ័យ​នៃ​ជំងឺ​បេះដូង​។​ វិធី​ព្យាបាល​រួម​មាន​បច្ចេកទេស​បន្ធូរ​អារម្មណ៍​ (relaxation​ techniques)​ និង​កម្មវិធី​លំ​ហាត់ប្រាណ​នៅ​កន្លែង​មាន​អុក​ស៊ី​សែន​ (aerobic​ exercise​ programs)​ ដែល​បង្កើន​រយះ​ពេល​ និង​សកម្មភាព​បន្ដិច​ម្ដងៗ​ ដូច​ជា​ការ​ហែល​ទឹក​ ការ​ដើរ​ ការ​ដើរ​លឿន​ ឬ​ការ​រាំ​នៅ​កន្លែង​មាន​អុក​ស៊ី​សែន​។​

 

ជំងឺលើសឈាម​(hypertension)​គឺ​សម្ពាធ​ឈាម​កើន​ខ្ពស់​ខុសធម្មតា​។​ការ​វាស់​សម្ពាធ​ឈាម​ជា​ប្រចាំ​គឺ​មាន​សារៈសំខាន់​ណាស់​ ព្រោះ​ជម្ងឺ​លើស​ស​ឈាម​មិន​បង្ក​ឱ្យ​មាន​រោគ​ សញ្ញា​អ្វី​ច្បាស់លាស់​នោះ​ទេ​។​ ប្រសិនបើ​ជំងឺលើសឈាម​មិន​អាច​គ្រប់គ្រង​បាន​ដោយ​របប​អាហារ​និង​លំ​ហាត់ប្រាណ​ទេ​ មាន​សារៈសំខាន់​ណាស់​ដែល​ត្រូវ​ព្យាបាល​ដោយ​ឱសថ​ដែល​គ្រូពេទ្យ​បាន​ចេញ​វេជ្ជបញ្ជា​។​ ក្នុង​ករណី​ភាគច្រើន​ គេ​មិន​បានដឹង​ពី​មូល​ ហេតុ​នៃ​ជំងឺលើសឈាម​នោះ​ទេ​។​

 

ត្រួតពិនិត្យ​ដោយ www.health.com.kh