តាមសេចក្ដីជូនព័ត៌មានរបស់ក្រសួងវប្បធម៌ សម្បត្តិវប្បធម៌ខ្មែរចំនួន២៧រូប ដែលបានលួចនាំចេញខុសច្បាប់ទៅប្រទេសអាម៉េរិក មានរូបបដិមាសំខាន់ៗមួយចំនួនក្នុងសម័យអង្គរ ដូចជា ព្រះពុទ្ធរូបគង់សមាធិលើនាគធ្វើពីសំរិទ្ធ,រូបព្រះឥសូរ និងរូបនាងប្រាជ្ញាបារមិតាធ្វើពីថ្មភក់ជាដើម។ 

រូបភាពពីក្រសួងវប្បធម៌ និងវិចិត្រសិល្បៈ 
 

លោកស្រី ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ បានលើកឡើងថា សម្បត្តិវប្បធម៌ខ្មែរទាំងនោះជាព្រលឹងរបស់បុព្វបុរសខ្មែរច្រើនជំនាន់ បានរសាត់ចាកឆ្ងាយពីមាតុភូមិកំណើតអស់ជាច្រើនឆ្នាំមកហើយនាសម័យសង្រ្គាម និងអសន្ដិសុខកន្លងមក។

 
 

ក្រោយបញ្ជូនត្រឡប់មកវិញ សម្បត្តិវប្បធម៌ខ្មែរទាំងនោះ នឹងរក្សាទុកនៅសារមន្ទីរជាតិភ្នំពេញ ដើម្បីឱ្យក្រុមអ្នកជំនាញពិនិត្យវាយតម្លៃ សម្អាត ជួសជុល សម្រាប់ត្រៀមរៀបចំពិធីប្រគល់-ទទួលជាផ្លូវការ នៅពេលសមស្របណាមួយ៕