«ឆ្លងការទស្សនារបស់ខ្ញុំកាលពីខែមុន ខ្ញុំជឿជាក់យ៉ាងច្បាស់ថា ខេត្តសៀមរាបមានសក្តានុពលក្នុងការក្លាយជាក្រុងបាល់ទាត់ដោយផ្សារភ្ជាប់ជាមួយទេសចរណ៍»។ នេះជាការលើកឡើងរបស់លោក Keisuke Honda ហើយក៏ជាម្ចាស់ក្លិបសូលទីឡូអង្គរ ដែលមានមូលដ្ឋាននៅខេត្តសៀមរាបផងដែរ។

 

ជាមួយនឹងអំណះអំណាងរប់ខ្លួន លោក Honda បានលើកទឹកចិត្តដល់ពលរដ្ឋដែលរស់នៅខេត្តសៀមរាបឲ្យទៅទស្សនាការប្រកួតបាល់ទាត់ឲ្យបានញឹកញាប់។ «ជាការចូលរួមចំណែក ក្លិបសូលទីឡូអង្គរ នឹងបការទស្សនារាល់ការប្រកួតដោយឥតគិតថ្លៃនារដូវកាលនេះ សម្រាប់មនុស្ស១០០០នាក់រៀងរា់ការប្រកួត»។ លោកបានបញ្ជាក់យ៉ាងដូច្នេះ។

 

 

កាលពីខែឧសភា កន្លងមកម ខណៈកំពុងស្ថិតនៅខេត្តសៀមរាប លោក Keisuke Honda បានសំដែងក្តីស្រឡាញ់ចំពោះខេត្តទេសចរណ៍មួយនេះ។ «ខ្ញុំស្ថិតនៅខេត្តសៀមរាប។ ខ្ញុំស្រឡាញ់ក្រុងនេះខ្លាំងណាស់»។ លោកបានសរសេរយ៉ាងដូច្នេះនៅលើទំព័រហ្វេសប៊ុករបស់ខ្លួន។

 

អ្នកចាត់ការទូទៅក្រុមជម្រើសជាតិកម្ពុជា បានមើលឃើញពីឧបសគ្គផ្នែកសេដ្ឋកិច្ចកន្លងមក នាអំឡុងពេលនៃការរាលដាលកូវីដ-១៩។ លោកបានបន្ថែម៖ «នេះជាពេលវេលាដែលត្រូវមកទស្សនាទីនេះសារជាថ្មីម្តងទៀត ពីបណ្តាភ្ញៀវទេសចរណ៍ទាំងអស់លើពិភពលោក»។

 

សូមបញ្ជាក់ថា នៅខេត្តសៀមរាប ក្រៅពីក្លិបសូលទីឡូអង្គរដែលកំពុងលេងនៅក្របខណ្ឌលំដាប់ទីពីរ មានក្លិបអង្គរថាយហ្គឺរដែលលេងនៅក្របខណ្ឌកំពូល រួមទាំងក្លិបខេត្តសៀមរាប និងក្លិបមួយចំនួនទៀត។ ខេត្តមានកីឡដ្ឋានថ្នាក់ខេត្តនៅស្វាយធំ និងមានកីឡដ្ឋានឯកជន ហនុមានផងដែរ៕