ទំហំពាណិជ្ជកម្មជាង២២ពាន់លានដុល្លារនេះ កើនឡើង ១៩,៧ភាគរយ បើធៀបរយៈពេលដូចគ្នា កាលពីឆ្នាំ២០២១ មានចំនួន១៨,៧៦ពាន់លានដុល្លារ។ 
 

បើតាមអគ្គនាយកដ្ឋានគយនិងរដ្ឋាករ ការនាំចេញទំនិញរបស់កម្ពុជា មានទំហំទឹកប្រាក់ចំនួន ៩,៤១ពាន់លានដុល្លារ កើនឡើងខ្ពស់ក្នងអត្រា ៣៤,៥ភាគរយ បើធៀបនឹងរយៈពេលដូចគ្នាកាលពីឆ្នាំ​ ២០២១​ ដែលមានត្រឹមតែចំនួន ៧ពាន់លានដុល្លារ។
 

ចំណែកការនាំចូលទំនិញមកកម្ពុជាវិញ មានទំហំទឹកប្រាក់ ១៣,០៥ពាន់លានដុល្លារ កើនឡើងក្នុងអត្រា​ ១១ភាគរយ ដែលមានទឹកប្រាក់ ១១,៧៦ពាន់លានដុល្លារ ធៀបរយៈពេលដូចគ្នាកាលពីឆ្នាំ ២០២១ ។ 
 

សូមជម្រាបដែរថា ចិនឈរនៅលំដាប់លេខរៀងទី១ ដែលមានទំហំពាណិជ្ជកម្មច្រើនជាងគេជាមួយកម្ពុជា ខណៈអាម៉េរិកឈរនៅលំដាប់លេខទី២ តាមពីក្រោយដោយវៀតណាមឈរនៅលំដាប់លេខរៀងទី៣ ។ ទន្ទឹមនឹងនេះថៃឈរនៅលំដាប់លេខរៀងទី៤ ហើយជប៉ុនឈរនៅលំដាប់លេខរៀងទី៦ ។ ទាំងនេះជាលំដាប់ថ្នាក់ប្រទេសមានទំហំពាណិជ្ជកម្មច្រើនជាមួយកម្ពុជា​៕