ព្រះខ័នរាជស្វាយរៀងដែល​ឈរលេខ​១លើ​តារាងជាមួយ​នឹងកំណត់ត្រាមិនស្គាល់ចាញ់​សោះ ត្រូវទៅ​ជួបក្រុម​បាត​តារាងគីរី​វង់​សុខសែជ័យ ដែលមិន​ទាន់ស្គាល់ជ័យជម្នះ។ កាលពីជើងទីមួយ ព្រះខ័នរាជស្វាយ​រៀងឈ្នះ ៣-១។

 

៣ប្រកួតចុងក្រោយរបស់ ព្រះខ័នរាជស្វាយរៀង ឈ្នះអង្គរថាយហ្គឺរ ៤-១ ឈ្នះវិសាខា ២-១ និងស្មើ ណាហ្គាវើលដ៍ ១-១ ឈរលេខ១ បណ្តោះអាសន្នមាន១៩ពិន្ទុ ស៊ុតបញ្ចូលទី២០ គ្រាប់ និងរបូតវិញ ៦គ្រាប់។ គីរីវង់សុខសែនជ័យ ៣ប្រកួតចុងក្រោយ ចាញ់ភ្នំពេញក្រោន ៦-១ ចាញ់បឹងកេត ៦-០ និងចាញ់ក្រសួងការពារជាតិ ៥-១ មាន១ពិន្ទុ ស៊ុតបញ្ចូលទី៧គ្រាប់ របូតវិញ ៣០គ្រាប់ បច្ចុប្បន្នឈរបាតតារាង។

 

រីឯជំនួបមួយគូទៀត ម្ចាស់ផ្ទះបឹងកេត ស្វាគមន៍​ណាហ្គាវើលដ៍ ដោយ​កាលពីជើង​ទីមួយនៅកីឡដ្ឋានខេមបូឌៀអ៊ែរវេដដែល បឹងកេតបាន​យកឈ្នះ ៣-១។

 

៣ប្រកួតចុងក្រោយរបស់បឹងកេត ឈ្នះវិសាខា ២-១ ឈ្នះគីរីវង់សុខសែនជ័យ ៦-០ និងស្មើភ្នំពេញក្រោន ២-២ ឈរលេខ២ បណ្តោះអាសន្នមាន១៣ពិន្ទុ ស៊ុតបញ្ចូលទី១៣គ្រាប់ និងរបូតវិញ៩គ្រាប់។ ចំណែ​កណាហ្គាវើលដ៍ ៣ប្រកួតចុងក្រោយ ស្មើ ព្រះខ័នរាជស្វាយរៀង ១-១ ស្មើភ្នំពេញក្រោន ០-០ និងចាញ់អង្គរថាយហ្គឺរ ៤-៣ ឈរលេខ៣ បណ្តោះអាសន្នមាន ១១ពិន្ទុ ស៊ុតបញ្ចូលទី៩គ្រាប់ និងរបូតវិញ ៩គ្រាប់៕