រាជធានីភ្នំពេញ ថ្ងៃទី២៧ ខែមិថុនា ឆ្នាំ២០២២ សហព័ន្ធបាល់បោះរទេះជនពិការកម្ពុជា (Cambodia Wheelchair Basketball Federation_CWBF) បានបើកកិច្ចប្រជុំដំបូងរបស់ខ្លួន ព្រមទាំងបង្ហាញក្រុមកីឡាករបាល់បោះរទេះរុញជម្រើសជាតិកម្ពុជា ដើម្បីត្រៀមចូលរួមប្រកួតកីឡាអាស៊ានប៉ារ៉ាហ្គេម លើកទី១២ ឆ្នាំ២០២៣ (ASEAN ParaGame 2023) ដែលកម្ពុជា នឹងធ្វើជាម្ចាស់ផ្ទះរៀបចំព្រឹត្តិការណ៍ ដ៏មានសារៈសំខាន់នេះ។
ពិធីនេះ បានរៀបចំប្រព្រឹត្តិទៅនៅទីស្នាក់ការក្រុមហ៊ុន ព្រីនស៍ ហូលឌីង គ្រុប ដោយមានការចូលរួមពីភ្ញៀវកិត្តិយសជាតិ-អន្តរជាតិជិត ២០០នាក់ រួមមានសមាជិករាជរដ្ឋាភិបាល តំណាងក្រសួង/ស្ថាប័ន តំណាងមកពីសភាពាណិជ្ជកម្មក្រៅប្រទេសប្រចាំកម្ពុជា ម្ចាស់អាជីវកម្មក្នុងស្រុក និងអង្គការសង្គមស៊ីវិលដទៃទៀត។
ក្នុងឱកាសនោះ សហព័ន្ធបាល់បោះរទេះជនពិការកម្ពុជា បានបង្ហាញពីការផ្លាស់ប្តូរដ៏អស្ចារ្យ និងក្រុមអត្តពលិកបាល់បោះរទេះជនពិការកម្ពុជា ពោរពេញដោយសមត្ថភាព និងជំនាញ ដែលកំពុងទទួលការហ្វឹកហាត់លំដាប់ថ្នាក់ពិភពលោកជាពិសេស និងមានការយកចិត្តទុកដាក់ពីថ្នាក់ដឹកនាំ សហព័ន្ធគ្រប់លំដាប់ថ្នាក់ និងក្រុមគ្រូបង្វឹកមកពី Team USA Basketball Gold សហរដ្ឋអាមេរិក ក្រោមការឧបត្ថម្ភគាំទ្រពី មូលនិធិសប្បុរសធម៌របស់ក្រុមហ៊ុន ព្រីនស៍ ហូលឌីង គ្រុប។ ក្រុមអត្តពលិកបាល់បោះរទេះជនពិការកម្ពុជា មានឆន្ទៈ និងជំនឿយ៉ាងមុតមាំ ក្នុងការដណ្តើមជើងឯក និងពានរង្វាន់ដទៃទៀត ជូនជាតិមាតុភូមិ។
មូលនិធិព្រីនស៍ មានសេចក្តីសោមនស្សរីករាយ ចំពោះការសម្រេចចិត្តរបស់សហព័ន្ធ ក្នុងការតែងតាំង លោក លី ធុជ អនុប្រធានទី១ នៃអាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្រ្គោះជនពិការដោយសារមីន (អាជ្ញាធរមីន) ជាប្រធានសហព័ន្ធបាល់បោះរទេះជនពិការកម្ពុជា ស្របទៅនឹងការទទួលខុសត្រូវ ក្នុងការគ្រប់គ្រងវិស័យសកម្មភាពមីន និងសង្រ្គោះជនពិការដោយសារមីននៅកម្ពុជា ដែលការតែងតាំងនេះ ពិតជាស័ក្តិសម និងមានគុណតម្លៃមិនអាចកាត់ថ្លៃបាន ព្រោះតែអត្តពលិកជាច្រើន ទាំងក្រុមបុរស និងក្រុមនារី គឺជាអ្នករស់រានមានជីវិត ពីគ្រោះថ្នាក់ដោយសារគ្រាប់មីន និងសំណល់ជាតិផ្ទុះពីសង្រ្គាម។
លោក លី ធុជ បានមានប្រសាសន៍ថា៖ “ខ្ញុំសូមថ្លែងអំណរគុណយ៉ាងជ្រាលជ្រៅ ចំពោះការសម្រេចចិត្តរបស់ក្រុមប្រឹក្សាភិបាល នៃសហព័ន្ធកីឡាបាល់បោះរទេះជនពិការកម្ពុជា ស្នើសុំឲ្យរូបខ្ញុំ ដឹកនាំធ្វើជាប្រធានសហព័ន្ធកីឡាបាល់បោះរទេះជនពិការកម្ពុជា ក្នុងគោលដៅជួយអភិវឌ្ឍ និងលើកកម្ពស់វិស័យកីឡាជនពិការ នៅក្នុងប្រទេសកម្ពុជា។ ខ្ញុំពិតជាកោតសរសើរ និងវាយតម្លៃខ្ពស់ ចំពោះការលះបង់ ការខិតខំប្រឹងប្រែង និងឆន្ទៈដ៏មោះមុត របស់បងប្អូនមានពិការភាព ដែលបានសម្រចចិត្តចូលរួមលើកស្ទួយ ដល់វិស័យកីឡាជាតិ ព្រមទាំងឈរជាបង្គោលយ៉ាងរឹងមាំ ក្នុងការចូលរួមកសាងសង្គមជាតិ សង្គមគ្រួសារ និងការអភិវឌ្ឍប្រទេសជាតិ ដូចអ្វីដែលខ្ញុំតែងតែផ្តល់តម្លៃ និងចាត់ទុកថា ពិការភាព មិនមែនអសមត្ថភាព”។
ព្រីនស៍ ហូលឌីង គ្រុប ក្រោមការដឹកនាំរបស់ប្រធាន ចេន ហ្ស៊ី មានការយកចិត្តទុកដាក់យ៉ាងខ្លាំង លើការអភិវឌ្ឍន៍ធនធានមនុស្ស ដើម្បីជួយដល់កំណើនសេដ្ឋកិច្ច សម្រាប់ព្រះរាជាណាចក្រកម្ពុជា។ លោក Gabriel Tan ប្រធានផ្នែកទំនាក់ទំនងនៃក្រុមហ៊ុន ព្រីនស៍ ហូលឌីង គ្រុប មានប្រសាសន៍ថា៖ “កាលពីមុន យើងបានចូលរួមចំណែកជាច្រើន ដើម្បីជួយលើកស្ទួយវិស័យកីឡាក្នុងស្រុក ដូចជាបាល់ទះ និងបាល់ទាត់ជាដើម។ នេះជាការចូលរួមលើកដំបូងរបស់យើង ក្នុងការផ្តល់សិទ្ធិអំណាចដល់ជនពិការ»។ លោកបានបន្ថែមទៀតថា៖ “យើងពិតមានកិត្តិយស ក្នុងការចូលរួមក្នុងការលើកកម្ពស់កិច្ចការសង្គម តាមរយៈការរៀបចំការបង្ហាញក្រុមកីឡាបាល់បោះរទេះជនពិការកម្ពុជា ចូលក្នុងការប្រកួតអាស៊ានប៉ារ៉ាហ្គែមលើកទី១២ ឆ្នាំ២០២៣»។
លោក Michael Tuon ដែលជាគ្រូបង្វឹកខ្មែរ-អាម៉េរិក បានទទួលវិញ្ញាបនបត្រទទួលស្គាល់ពីក្រុម Team USA Basketball Gold និងគ្រូបង្វឹកដែលមានវិញ្ញាបនបត្រ ពីសមាគមបាល់បោះរទេះរុញជាតិ (NWBA) បានទទួលស្គាល់ថា ការចូលរួមនេះ គឺនឹងក្លាយជាដំណើរដ៏រំភើបមួយ ខណៈដែលលោក ជាអ្នកដឹកនាំការហ្វឹកហាត់បាល់បោះរទេះរុញកម្ពុជានេះ។ លោក Michael បានមានប្រសាសន៍ថា៖ “ជនរួមជាតិអត្តពលិករទេះរុញជាច្រើននាក់ បានជម្នះឧបសគ្គ នៃការមិនអនុញ្ញាតឱ្យពិការភាពរបស់ពួកគេ បញ្ឈប់ក្តីសុបិនរបស់ពួកគេឡើយ។ ខ្ញុំជឿជាក់ថា វិធីសាស្រ្ត «រថភ្លើងដើម្បីឈ្នះ» នេះ ត្រូវបានអនុម័តពីការអភិវឌ្ឍអត្តពលិករយៈពេលវែង - LTAD នឹងបង្កើតរចនាសម្ព័ន្ធហ្វឹកហ្វឺនដ៏ល្អបំផុត សម្រាប់ភាពជោគជ័យរបស់យើង”។
នៅពេលដែលអត្តពលិកលេងកីឡានៅឆ្នាំក្រោយ ពួកគេទាំងអស់គ្នា នឹងស្លៀកពាក់ឯកសណ្ឋានពណ៌ខៀវ ក្រហម និងស ដែលរចនាថ្មីសន្លាង បង្ហាញអំពីពណ៌តំណាងជាតិ នៃព្រះរាជាណាចក្រកម្ពុជា ជាមួយនឹងផ្នត់គំនិតជាតិថ្មី ដែលរួមបញ្ចូលនិមិត្តសញ្ញាវប្បធម៌របស់ប្រទេសកម្ពុជា ដូចជាផ្ការំដួល និងប្រាសាទអង្គរវត្ត៕
ព័ត៌មានលម្អិតបន្ថែម នៃការរចនាអាវកីឡាទាំងមាននៅក្នុងឧបករណ៍សារព័ត៌មាននេះ។
អំពីក្រុមហ៊ុន ព្រីនស៍ ហូល ឌីង គ្រុប (Prince Holding Group)
ព្រីនស៍ ហូលឌីង គ្រុប (Prince Holding Group) គឺជាសម្ព័ន្ធក្រុមហ៊ុនពហុផលិតផល ដ៏ធំមួយនៅកម្ពុជា ដែលមាន ក្រុមហ៊ុនជាច្រើនធ្វើការផ្តោតលើវិស័យស្នូលចំនួន ៣ គឺការអភិវឌ្ឍវិស័យអចលនទ្រព្យ សេវាហិរញ្ញវត្ថុ និងបម្រើសេវាអតិថិជន។
អាជីវកម្មសំខាន់ៗ របស់សម្ព័ន្ធក្រុមហ៊ុនព្រីនស៍គ្រុបនៅកម្ពុជា រួមមានក្រុមហ៊ុន Prince Real Estate Group, ក្រុមហ៊ុន Prince Huan Yu Real Estate Group, ធនាគារ Prince Bank, ក្រុមហ៊ុនអាកាសចរណ៍ Cambodia Airways, ក្រុមហ៊ុន Belt Road Capital Management និង ក្រុមហ៊ុន Awesome Global Investment Group។ តាមរយៈក្រុមហ៊ុនបុត្រសម្ព័ន្ធទាំងនេះ ក្រុមហ៊ុនសម្ព័ន្ធក្រុមហ៊ុនព្រីនស៍គ្រុប មានអាជីវកម្មប្រមាណជាង៨០ នៅក្នុងប្រទេសកម្ពុជា ដែលកំពុងប្រតិបត្តិការលើការអភិវឌ្ឍវិស័យអចលនទ្រព្យ ធនាគារហិរញ្ញវត្ថុ អាកាសចរណ៍ទេសចរណ៍ ភស្តុភារបច្ចេកវិទ្យា ម្ហូបអាហារនិងភេសជ្ជៈ និងវិស័យប្រណិតភាពនៃជីវិត ។ល។
ដោយប្រើបណ្តាញអ្នកជំនាញផ្នែកឧស្សាហកម្មពាណិជ្ជកម្ម និងហិរញ្ញវត្ថុ នៅទូទាំងទ្វីបអាស៊ី សម្ព័ន្ធក្រុមហ៊ុនព្រីនស៍គ្រុប បានកសាងមូលដ្ឋានគ្រឹះដ៏សំខាន់ សម្រាប់លំហូរមូលធនក្នុងស្រុក និងអន្តរជាតិ។ សម្ព័ន្ធនេះ ប្តេជ្ញាយ៉ាងមុតមាំ ចំពោះការអភិវឌ្ឍរយៈពេលវែងរបស់ប្រទេសកម្ពុជា។ ជាក់ស្តែង សម្ព័ន្ធក្រុមហ៊ុនព្រីនស៍គ្រុប កំពុងតែអភិវឌ្ឍន៍គម្រោងទេសចរណ៍ និងលំនៅដ្ឋានទីក្រុងរាម លើផ្ទៃដី១ ០០០ហិកតា នៅឆ្នេររាម នៃខេត្តព្រះសីហនុ នាពេលខាងមុខ ដែលនឹងក្លាយជាគម្រោងអចលនទ្រព្យប្រកបដោយនិរន្តរភាពដំបូងគេបង្អស់នៅកម្ពុជា ក្នុងនោះដែរសម្ព័ន្ធក្រុមហ៊ុនព្រីនស៍គ្រុប មានគោលបំណងធានាបាននូវការវិនិយោគសរុបចំនួន ១៦ពាន់លានដុល្លារសហរដ្ឋអាម៉េរិក សម្រាប់តំបន់ទាំងមូល។
អំពី មូលនិធិព្រីនស៍
មូលនិធិព្រីនស៍ បង្កើតឡើងក្នុងឆ្នាំ ២០១៥ គឺជាមូលនិធិសប្បុរសធម៌ឈានមុខគេមួយនៅកម្ពុជា។ ក្នុងនាមជាសមាជិករបស់ក្រុមហ៊ុន ព្រីនស៍ ហូលឌីង គ្រុប ដែលជាសម្ព័ន្ធក្រុមហ៊ុនដ៏ធំមួយនៅកម្ពុជា។ មូលនិធិនេះមានគោលបំណង ធ្វើការជាមួយសហគមន៍មូលដ្ឋាន ដើម្បីកសាងការរស់នៅ និងបរិយាកាសការងារ ដែលលើកកម្ពស់សុខុមាលភាព និងការរស់នៅរបស់ប្រជាជនតាមចក្ខុវិស័យ៖ “រួមគ្នាកសាងអនាគតកាន់តែប្រសើរសម្រាប់កម្ពុជា”។ ដោយផ្តោតលើការអប់រំ និងការអភិវឌ្ឍយុវជន ការថែទាំសុខភាព និងគំនិតផ្តួចផ្តើមក្នុងការចូលរួមរបស់សហគមន៍មូលនិធិព្រីនស៍ ធ្វើការជាមួយដៃគូជាច្រើន ដើម្បីផ្តល់នូវកម្មវិធីប្រកបដោយនិរន្តរភាព ដែលបង្កើនឱកាសដល់យុវជនកម្ពុជា ការពង្រឹងភាពរឹងមាំដល់សហគមន៍ និងរួមចំណែកដល់ហេដ្ឋារចនាសម្ព័ន្ធប្រកបដោយនិរន្តរភាព។
គម្រោងដ៏អស្ចារ្យរបស់មូលនិធិនេះគឺ អាហារូបករណ៍ ចេន ហ្ស៊ី ដែលជាគម្រោងផ្តល់អាហារូបករណ៍ប្រចាំឆ្នាំ រួមជាមួយក្រសួងអប់រំ យុវជន និងកីឡា របស់កម្ពុជាដែលផ្តល់ជូននូវអាហារូបករណ៍ថ្លៃសិក្សាពេញលេញ និងប្រាក់ឧបត្ថម្ភ កម្មសិក្សា និងឱកាសការងារដល់និស្សិតសាកលវិទ្យាល័យនៅប្រទេសកម្ពុជាចំនួន ៤០០នាក់ក្នុងរយៈពេលប្រាំពីរឆ្នាំ។ មូលនិធិព្រីនស៍ បានចាប់ផ្តើមដំណើរការនូវកម្មវិធីសប្បុរសធម៌ជាង ២៥០កម្មវិធី ដែលបានផ្តល់អត្ថប្រយោជន៍ដល់ប្រជាជនចំនួន ៥០០,០០០នាក់ ជាមួយនឹងជំនួយច្រើនជាង ១៤លានដុល្លារសហរដ្ឋអាម៉េរិក៕
VIDEO