កីឡាអន្តរជាតិ
អន្តរជាតិ
Harmony Tan ទម្លាក់ជើងខ្លាំង Serena Williams នៅ Wimbledon
× ទីបំផុតកីឡាការិនីបារាំងដែលជាកូនខ្មែរ-វៀតណាម Harmony Tan បានទម្លាក់កីឡាការិនីវាយកូនបាល់លេខ១ពិភពលោក Serena Williams នៅជុំទី១នៃពានរង្វាន់ Wimbledon ឆ្នាំ២០២២។
Harmony ដែលទើបបង្ហាញខ្លួនក្នុងព្រឹត្តិការណ៍ Wimbledon លើកដំបូងក្នុងអាជីពបានយកឈ្នះម្ចាស់ជើងឯក៧សម័យ Williams ក្នុងលទ្ធផល ៧-៥ ១-៦ និង ៧-៦ (១០-៧) នៅទីលាន Center Court នាយប់ថ្ងៃទី២៨ ខែមិថុនា។
កីឡាការិនីបារាំង Harmony ដែលមានកំណើតចេញពីសែស្រឡាយខ្មែរ វៀតណាមថានេះជាជ័យជម្នះដ៏មិនគួរឱ្យជឿក្នុងអាជីពកីឡាវាយកូនបាល់របស់ខ្លួន។
«វាជាសុបិនមួយព្រោះអ្នកដឹងទេថាខ្ញុំបានឃើញ Serena Williams ប្រកួតនៅក្នុងទូរទស្សន៍កាលពីខ្ញុំនៅក្មេង។ គាត់ជាកីឡាការនីដែលពោពេញដោយបច្ចេកទេស និងសមត្ថភាព»។ នេះជាការលើកឡើងរបស់ Harmony ដោយបន្ថែមថា ខ្លួនមិននឹកស្មានអាចយកឈ្នះម្ចាស់ពាន Grand Slam ២៣សម័យ ទាំងប្រកួតភ័យលើទីលាន។
វ័យ២៤ឆ្នាំ Harmony ដែលមានឪពុកជាវិស្វករដើមកំណើតខ្មែរ និងម្តាយជាអ្នកកាសែតសេដ្ឋកិច្ច ដើមកំណើតវៀតណាម ធ្លាប់បានប្រកួតតំណាងឱ្យប្រទេសបារាំងនៅក្នុងការប្រកួតជាតិ និងអន្តរជាតិជាច្រើន ក្នុងនោះទទួលបានចំណាត់ថ្នាក់ WTA អាជីពនៅឆ្នាំ២០២០នៅលេខរៀងទី៣០២ និងធ្លាក់មកលេខ១៣០នៅឆ្នាំ២០២១ និងអភិវឌ្ឍន៍ខ្លួនរហូតឈរនៅចំណាត់ថ្នាក់ទី១១៣ពិភពលោកនៅឆ្នាំ២០២២នេះ។
ជំនួbបន្ទាប់ Harmony ត្រូវបន្តទៅជួយកីឡាការិនីអេស្ប៉ាញ Sara Sorribes Tormo នៅជុំទី២ នាថ្ងៃទី៣០ ខែមិថុនា៕
Tag:
Harmony Tan ទម្លាក់ជើងខ្លាំង Serena Williams នៅ Wimbledon
© រក្សាសិទ្ធិដោយ thmeythmey.com