តើការពិភាក្សាគ្នាលើ «សេចក្តីព្រាងច្បាប់ធម្មនុញ្ញ» មានន័យដូចម្តេច? អ្នកនាំពាក្យនៃស្ថាប័នមួយចំនួន ពុំទាន់អាចឆ្លើយនឹងសំណួរនេះបាននោះទេ។  
 

លោក ផៃ ស៊ីផាន មានប្រសាសន៍ជាមួយសារព័ត៌មានថ្មីៗថា៖«គ្រាន់តែទទួលបានរបៀបវារៈ តែខ្លឹមសារ អត់ទាន់ទទួលបានទេ។ [...] មាតិការរឿងខ្លះ អត់ទាន់ទទួលបានទេ ទាល់តែជិតដល់ថ្ងៃប្រជុំ បានគេទម្លាក់មកឲ្យ ព្រោះគេរៀបចំមិនទាន់គ្រប់គ្រាន់»។
 

ចំណែកលោក ព្រហ្ម វិចិត្រអក្សរា អ្នកនាំពាក្យក្រុមប្រឹក្សាធម្មនុញ្ញ ថ្លែងមកកាន់សារព័ត៌មានថ្មីៗថា ការងារហ្នឹងរបស់គណៈរដ្ឋមន្រ្តី បងសួរអ្នកនាំពាក្យខាងគណៈរដ្ឋមន្រ្តីទៅ ព្រោះខ្លឹមសារហ្នឹង [ខ្ញុំ] អត់បានដឹងទេ។ ហ្នឹងជាកិច្ចការផ្ទៃក្នុងរបស់នីតិប្រតិបត្តិ អត់ទាន់មកដល់នេះ [ក្រុមប្រឹក្សាធម្មនុញ្ញ] យើង អត់ទាន់បានដឹងទេ»។ 
 

ក្រោយកិច្ចប្រជុំគណៈរដ្ឋមន្រ្តី នៅព្រឹកថ្ងៃទី៨ ខែកក្កដា ត្រូវបានបញ្ចប់ គេ នឹងអាចដឹងចម្លើយថា ការពិភាក្សាលើ  «សេចក្តីព្រាងច្បាប់ធម្មនុញ្ញ» នេះ មានន័យយ៉ាងណា៕