លោក ខៀវ សុភ័គ អ្នកនាំពាក្យក្រសួងមហាផ្ទៃ ថ្លែងប្រាប់សារព័ត៌មានថ្មីៗ ថា ក្រសួងមហាផ្ទៃសម្រេចលុបឈ្មោះគណបក្សអនាគតជាតិ ចេញពីបញ្ជីគណបក្សនយោបាយ គឺដោយសារបក្សនេះ គ្មានឯកសា និងលិខិតស្នាមមេដៃចុះបញ្ជីត្រឹមត្រូវ ។ « ការប្រមូលឯកសារស្នាមមេដៃមិនគ្រប់ ខ្ញុំមិនដឹងទេ ប៉ុន្តែរយៈពេល៣ខែមកហើយ មិនទាន់ឃើញយកឯកសារមកទេ មកដល់ពេលនេះហួសពេល៣ខែមកហើយ» ។ នេះបើតាមលោក សុភ័គ។ 
 

លោក សុភ័គ បន្ថែមថា គណបក្សនយោបាយណា ដែលមិនទាន់បានចុះបញ្ជីក្នុងរយៈពេល៣ខែ ស្របតាមបទប្បញ្ញាតិនៃច្បាប់ នោះមិនអាចធ្វើសកម្មភាពនយោបាយបានឡើយ៕