បើតាមលោក គុណ ញឹម ចំណូលពន្ធគយក្នុងឆមាសទី១ នេះ ស្មើនឹង ៥០,១ភាគរយ លើស​ផែនការកំណត់ដោយច្បាប់ ស្តីពីហិរញ្ញវត្ថុសម្រាប់ការគ្រប់គ្រងថវិកាឆ្នាំ២០២២ បន្តិចប៉ុណ្ណោះ។ លោក គុណ ញឹម ​បាន​ដូច្នេះថា ៖«រយៈពេល៦ខែ ដើមឆ្នាំ២០២២នេះ អគ្គនាយកដ្ឋានគយ និងរដ្ឋាករកម្ពុជា អនុវត្តផែនការចំណូលបានគ្រប់ផែនការ មានន័យថាអនុវត្តបានលើស៥០ភាគបន្តិច ក្នុងរង្វង់៥០,១ភាគរយ នៃតួលេខដែលកំណត់ដោយច្បាប់ហិរញ្ញវត្ថុសម្រាប់ការគ្រប់គ្រងថវិកា ឆ្នាំ២០២២»។

​

​ក្នុងសន្និសីទសារព័ត៌មានដដែលនេះ លោក គុណ ញឹម បានឱ្យដឹងដែរថា ក្នុងរយៈពេលជិត១០ខែ អគ្គនាយកដ្ឋានគយ និងរដ្ឋាករកម្ពុជា ប្រមូលពន្ធអាករបានជាង ៧៦លានដុល្លារ ពីម្ចាស់រថយន្តគ្មានពន្ធនាំចូលទាំងរថយន្តចង្កូតឆ្វេង និងចង្កូតស្តាំ  ដែលជ្រកក្រោមផ្លាកលេខផ្សេងៗ រហូតដល់ជាង៩ពាន់គ្រឿង។ ​​
 

 
 

សូមជម្រាបដែរថា កាលពីឆ្នាំ២០២១  អគ្គនាយកដ្ឋានគយ និងរដ្ឋាករកម្ពុជា ប្រមូលចំណូលបាន ជិត ២ ៣០០ លានដុល្លារ។ ​ចំណូលនេះ គឺធា្លក់ចុះចំនួន ៥,១ភាគរយ បើធៀបនឹងឆ្នាំ២០២០៕