ដើម្បីជ្រាបច្បាស់សូមអញ្ជើញលោកអ្នក ទស្សនាវីដេអូខាងក្រោម៖ 

 

 

សហគមន៍អេកូទេសចរណ៍កោះសាមសិប ស្ថិតនៅក្នុងស្រុកសំបូរ ខេត្តក្រចេះ និងមានចម្ងាយប្រមាណ ៩៣គីឡូម៉ែត្រ ពីក្រុងក្រចេះ។ មុនទៅដល់ចំណតទូកអេកូទេសចរណ៍នេះ

អ្នកធ្វើដំណើរក៏បានបណ្ដែតអារម្មណ៍ឃើញនូវទិដ្ឋភាពចម្ការតូចធំតាមដងផ្លូវក្រាលក្រួសក្រហមមួយខ្សែ។ មិនយូរប៉ុន្មានអ្នកដំណើរក៏បានមកដល់ចំណតទូកសហគមន៍។

បន្ទាប់ពីឡើងទូក ដើម្បីធ្វើដំណើរតាមដងទន្លេ

ទេសចរនឹងបានឃើញសម្រស់ដើមឈើ ដែលដុះចេញពីផ្ទៃទន្លេយ៉ាងស្រស់ស្អាត

សំឡេងទឹកហូរប៉ប្រះនឹងថ្ម និងកោះខ្សាច់តូចធំ។ ឯម្ដងម្កាល

អ្នកទេសចរក៏នឹកឃើញវត្តមានសត្វស្លាបហោះហើរលើវេហាផងដែរ។ 

មិនយូរប៉ុន្មានទេសចរ បានមកដល់លើកោះមួយ ដែលមានដើមខ្ពស់ នៅលើកោះនោះ

ហាក់កំពុងរង់ចាំស្វាគមន៍ទេសចរ។ មកដល់លើកោះនេះ ទេសចរខ្លះក៏ចុះលេងទឹក

ខ្លះក៏រៀបចំបោះតង់ ខ្លះបង់សំណាញ់ត្រីកម្សាន្ត ឯខ្លះទៀតផ្ដិតរូបភាពទេសភាព ជាដើម។ 

លុះទិនក្ស័យចូលមកដល់ ទេសចរទាំងឡាយ ក៏បានមកបរិភោគអាហាររួមគ្នា

ក្រោមពន្លឺភ្នក់ភ្លើង។ នាពេលរាត្រីទេសចរទាំងអស់និទ្រាក្នុងតង់ ជាមួយនឹងសំឡេងទឹកហូរ

និងសំឡេងខ្យល់បក់ត្រជាក់រហឹម។ រាត្រីបានបញ្ចប់ អរុណរង្សី នាព្រឹកព្រលឹម

បានជះមកលើផ្ទៃទន្លេ សត្វស្លាបបង្ហើរសំនៀង ដាស់អ្នកទេសចរឱ្យក្រោកពីដំណេក

រួចបន្តដំណើរទៅទីតាំងដទៃទៀត៕