រដ្ឋមន្រ្តីការបរទេសអាម៉េរិក អាន់តូនី​ ប្លីងខិន​ បានហៅអតីតនាយករដ្ឋមន្រ្តីជប៉ុន អាបេ ស៊ិនហ្សូ ជាមនុស្សពោរពេញដោយចក្ខុវិស័យក្នុងការដឹកនាំប្រទេស និងការលើកកម្ពស់ទំនាក់ទំនងរវាងក្រុងវ៉ាស៊ីនតោន និងក្រុងតូក្យូ។

 

រដ្ឋមន្រ្តីការបរទេសចិន លោក វ៉ាង យី បានព្រមានជាថ្មី ចំពោះបណ្តាប្រទេសអាស៊ីកុំឱ្យក្លាយជាកូនអុករបស់មហាអំណាច។ បើតាមលោក វ៉ាង អនាគតតំបន់អាស៊ី គួរតែស្ថិតក្នុងដៃរបស់ប្រទេសក្នុងតំបន់ មិនមែនមហាអំណាចមកពីខាងក្រៅឡើយ។

 

 

អាម៉េរិក និងទីភ្នាក់ងារថាមពលអន្តរជាតិ (IEA) ជំរុញឱ្យបណ្តាប្រទេសអាស៊ីធ្វើពិពិធកម្មច្រវាក់ផ្គត់ផ្គង់ថាមពលរបស់ខ្លួន សំដៅបញ្ចៀសការពឹងផ្អែកលើប្រភពផ្គត់ផ្គង់ថាមពលពីចិន និងរុស្ស៊ី។

 

នៅខួបលើកទី៦ ដែលតុលាការមជ្ឈត្តការក្រុងឡាអេសម្រេចឱ្យឈ្នះក្តីចិនជុំវិញសំណុំរឿងដែនទឹកនៅសមុទ្រចិនខាងត្បូង ហ្វីលីពីន បានបញ្ជាក់ជាថ្មីពីអធិបតេយ្យស្របច្បាប់របស់ខ្លួននៅតំបន់ជម្លោះដែលក្រុងប៉េកាំងទាមទារស្ទើតែទាំងអស់នៃដែនទឹកទីនោះ។ ប្រមុខការទូតហ្វីលីពីនអះអាងថា សាលក្រមនេះមិនអាចកែប្រែបានឡើយ។

 

 

ប្រធានាធិបតីស្រីលង្កា Gotabaya Rajapaksa បានចាកចេញពីប្រទេស។​ ទីភ្នាក់ងារព័ត៌មាន Reuters រាយការណ៍បែបនេះនៅថ្ងៃទី១៣ ខែកក្កដា ខណៈវិបត្តិនយោបាយ និងសេដ្ឋកិច្ចកាន់តែដុនដាបទៅ ហើយ​ក្រុម​អ្នក​តវ៉ានៅតែបន្តប្រឆាំឱ្យមេដឹកនាំប្រទេសលាលែងពីតំណែងឱ្យដាច់ស្រេច។ ក្នុងថ្ងៃដដែលនេះ ក្រុមបាតុករ បានចូលកាន់កាប់ការិយាល័យនាយករដ្ឋមន្រ្តីស្រីលង្កាផង។ 

 

អនុប្រធានាធិបតីអាម៉េរិក បានបង្ហាញពីយុទ្ធសាស្រ្តថ្មីរបស់ទីក្រុងវ៉ាស៊ីនតោនដែលផ្តល់អាទិភាពដល់កោះប៉ាស៊ីហ្វិកក្នុងគោលនយោបាយការបរទេសរបស់ខ្លួន បន្ទាប់ពីទុកចោលមិនអើពើអស់រយៈពេលជាច្រើនឆ្នាំ។ តាមយុទ្ធសាស្រ្តថ្មី អាម៉េរិក នឹងបង្កើនជំនួយលើការអភិវឌ្ឍ និងប្រយុទ្ធប្រឆាំងនឹងបម្រែបម្រួលអាកាសធាតុ ក៏ដូចជាបើកស្ថានទូតនៅកោះប៉ាស៊ីហ្វិកមួយចំនួនដើម្បីទប់ទល់ការពង្រីកឥទ្ធិពលរបស់ចិន។

 

 

កូរ៉េខាងជើង បានទទួលស្គាល់ឯករាជ្យរបស់តំបន់ផ្ដាច់ខ្លួនពីរនៅភាគខាងកើតអ៊ុយក្រែន ហើយត្រៀមខ្លួនបង្កើតទំនាក់ទំនងរវាងរដ្ឋ និងរដ្ឋ។ នេះបើតាមប្រព័ន្ធផ្សព្វផ្សាយរដ្ឋកូរ៉េខាងជើង។ ក្រុងកៀវ ក៏ប្រកាសផ្ដាច់ទំនាក់ទំនងការទូតជាមួយក្រុងព្យុងយ៉ាងវិញដែរ។

 

មន្ត្រីកូរ៉េខាងត្បូង បានលើកឡើងថា កូរ៉េខាងត្បូង និងអាម៉េរិកបានធ្វើសមយុទ្ធផ្លូវអាកាសរួមគ្នា ដោយប្រើយន្តហោះចម្បាំងបំបាំងកាយ F-35A ជាលើកដំបូង។ ការធ្វើសមយុទ្ធរួមគ្នា ត្រូវមើលឃើញថា ជាការសម្ញែងអានុភាពរបស់សម្ព័ន្ធមិត្តទាំងពីរ តបនឹងសកម្មភាពយោធាកូរ៉េខាងជើងផង និងបង្កើនសមត្ថភាពប្រតិបត្តិការរួមគ្នាផង។

 

លោក ហ្គោតាបាយ៉ា រ៉ាចាប៉ាក់សា បានចុះចេញពីតំណែងជាប្រធានាធិបតីស្រីលង្កាជាផ្លូវការហើយ។ ប្រធានសភាស្រីលង្កាប្រកាសបែបនេះ ក្រោយបានត្រួតពិនិត្យមើលលិខិតលាលែងតំណែងរបស់លោក ហ្គោតាបាយ៉ា ដែលផ្ញើពីសិង្ហបុរី។ ទន្ទឹមនេះ សភាស្រីលង្កាប្រកាសថា ស្រីលង្កានឹងមានប្រធានាធិបតីថ្មីក្នុងរយៈពេល៧ថ្ងៃ។

 

រដ្ឋមន្រ្តីហិរញ្ញវត្ថុឥណ្ឌូណេស៊ី លោកស្រី Sri Mulyani Indrawati ក្នុងកិច្ចប្រជុំថ្នាក់រដ្ឋមន្រ្តីហិរញ្ញវត្ថុ និងកសិកម្មនៃក្រុមប្រទេសមានសេដ្ឋកិច្ចជឿនលឿនទាំង ២០ (G20) បានអំពាវនាវឱ្យបណ្តាប្រទេសជាសមាជិកជួយដោះស្រាយបញ្ហាអសន្តិសុខស្បៀងអាហារ និងវិបត្តិការផ្គត់ផ្គង់ជី ដែលអាចនឹងកើតឡើងនាពេលខាងមុខ។

 

 

ប្រធានាធិបតីអាម៉េរិក ចូ បៃឌិន បានប្រកាសជំហររបស់អាម៉េរិកដែលនឹងបន្តតួនាទីរបស់ខ្លួននៅមជ្ឈិមបូព៌ា ដោយមិនទុកឱកាសឱ្យគូប្រជែងមានរុស្ស៊ី ចិន ឬអ៊ីរ៉ង់ឆ្លៀតពេលបញ្រ្ជាបឥទ្ធិពលនោះឡើយ។ ចំពោះមុខមេដឹកនាំប្រទេសតំបន់មជ្ឈិមបូព៌ានាជំនួបនៅអារ៉ាប៊ីសាអូឌីត លោក បៃឌិន បញ្ជាក់ថា អាម៉េរិកមិនទៅណាឡើយ៕