ប្រតិបត្តិការបង្ក្រាបគ្រឿងញៀននេះ ប្រព្រឹត្តទៅនៅក្នុងគោលដៅ៥ គឺ២គោលដៅ នៅរាជធានីភ្នំពេញ និង៣គោលដៅនៅខេត្តបន្ទាយមានជ័យ។ ជនល្មើស ដែលត្រូវបានចាប់ខ្លួនក្នុងគោលដៅទាំង៥ រួមមាន បុរសជនជាតិខ្មែរ៧នាក់ ស្រ្តីជនជាតិខ្មែរម្នាក់ បុរសជនជាតិថៃ២នាក់ និងបុរសជនជាតិវៀតណាមម្នាក់។ 

 

បើតាមន្ទីរប្រឆាំងគ្រឿងញៀនដដែល កម្លាំងសមត្ថកិច្ច បានប្រើពេល៣ថ្ងៃ គឺពីថ្ងៃទី១៣ ដល់ថ្ងៃទី១៥ ខែកក្កដា ក្នុងការធ្វើប្រតិបត្តិការបង្ក្រាបគ្រឿងញៀននៅគោលដៅទាំង៥នោះ ក្រោមការដឹករបស់លោក ឡឹក វណ្ណៈ នាយកមន្ទីរប្រឆាំងគ្រឿងញៀន៕