រដ្ឋមន្រ្តីហិរញ្ញវត្ថុអាម៉េរិក ចាណេត យេលេន កំពុងធ្វើទស្សកិច្ចនៅកូរ៉េខាងត្បូងក្នុងជើងចុងក្រោយនៃ ដំណើរទស្សនកិច្ចរយៈពេល១១ថ្ងៃរបស់លោកស្រីនៅតំបន់ឥណ្ឌូ-ប៉ាស៊ីហ្វិក។ យោងតាមសម្រង់សុន្ទរកថាចេញផ្សាយដោយក្រសួងហិរញ្ញវត្ថុនៅថ្ងៃទី១៨ ខែកក្កដា រលោកស្រី យេលេន ផ្ដល់សុន្ទរកថា​នឹង​អធិប្បាយពីគោលបំណងពង្រឹងទំនាក់ទំនងពាណិជ្ជកម្មជាមួយសម្ព័ន្ធមិត្តនៅ​ក្នុងការថ្លែងសុ​ន្ទរ​ក​គោលនយោបាយសំខាន់មួយនៅទីក្រុងសេអ៊ូលនៅថ្ងៃទី១៩ ខែកក្កដា។ 

 

របៀបរកស៊ីរបស់ចិន ដែលអាម៉េរិកចោទថា ធ្វើឡើងដោយមិនស្មើភាព និងអយុត្តិធម៌ស្ថិតក្នុងអ្វីដែលលោកស្រី យេលេន ត្រូវលើកឡើង។
 

«ពួកយើងមិនអាចអនុញ្ញាតឱ្យប្រទេសផ្សេងៗដូចជាចិនគ្រប់គ្រងលើទីផ្សារវត្ថុធាតុដើមបច្ចេកវិទ្យា​ឬ​ផលិតផលសំខាន់ៗដែលនឹងរំខានដល់សេដ្ឋកិច្ចរបស់យើង និងការអនុវត្តឥទ្ធិពលភូមិសាស្ត្រ​នយោ​បាយ»។ សម្រង់សុន្ទរកថាខាងលើបញ្ជាក់បែបនេះ។ លោកស្រីយេលេន ក៏នឹងថ្លែងថា អាម៉េរិក និង​សម្ព័ន្ធមិត្តដូចជាកូរ៉េខាងត្បូងគួរតែផ្ដោតលើការធ្វើពិពិធកម្មខ្សែច្រវាក់ផ្គត់ផ្គត់ដើម្បី​ពឹងផ្អែកលើ​ដៃគូ​ពាណិជ្ជកម្មដែលគួរឱ្យទុកចិត្ត និងពង្រឹងភាពធន់នៃសេដ្ឋកិច្ច ហើយកាត់បន្ថយហានិភ័យផ្សេងៗ។
 

បើតាមលោកស្រី យេលេន ការធ្វើបែបនោះនឹងនាំឱ្យមាននិរន្តភាព និងកំណើនផលិតភាព​ដែលភ្ជាប់​ជាមួយសមាហរណកម្មសេដ្ឋកិច្ចក្នុងការធ្វើពាណិជ្ជកម្មតាំងពីផ្នែកឱសថ ឧបករណ៍អេឡិចត្រូនិក និង​អាគុយរថយន្តអគ្គិសនី។ វាក៏នឹងជួយការពារអាម៉េរិកនិងកូរ៉េខាងត្បូង​ពីការឡើង​តម្លៃនៃទំ​និញ​ទាំង​នោះដែលអាចបណ្ដាលមកពីហានិភ័យភូមិសាស្ត្រនយោបាយ និងការអនុវត្ត​ពាណិជ្ជកម្ម​មិន​យុត្តិធម៌​របស់ចិន៕