ពួកគេក៏បានសម្លឹងឃើញពីការរីកចម្រើនបន្តទៅមុខទៀត នៅក្នុងប្រទេសកម្ពុជា ជាមួយនឹងប្រជាប្រិយភាព នៃរថយន្ត SUV របស់ខ្លួន គឺ Maxus D60, MPV ម៉ូដែល G50 និងរថយន្តភីកអាប់ T90។ ទិន្នន័យដ៏ល្អនៃការលក់ចេញរបស់រថយន្ត Maxus គឺបានផ្សារភ្ជាប់ ជាមួយជម្រើសដ៏ល្អពីផលិតផលរបស់ខ្លួន ចាប់ពីរថយន្តប្រភេទ SUV រហូតដល់រថយន្តប្រភេទ MPV និងរថយន្តភីកអាប់។ Maxus ក៏បានផ្តល់ជូននូវជម្រើសយ៉ាងល្អសម្រាប់អ្នកដែលត្រូវការរថយន្ត ទៅតាមប្រភេទតម្រូវការផ្សេងៗគ្នា ជាមួយនឹងរថយន្តដ៏ពេញនិយមទាំង៣ម៉ូដែលដូចខាងក្រោម៖

 

រថយន្ត Maxus D60 ដែលជារថយន្តលក់ដាច់បំផុត សម្រាប់ Maxus បានកំពុងនាំមុខឱ្យយីហោ Maxus ជ្រៀតចូលក្នុងបេះដូងប្រជាជនកម្ពុជា។ ម៉ូឌែល D60 គឺជារថយន្តប្រភេទ SUV ៧កៅអី ដែលផ្តល់នូវលក្ខណៈពិសេសទំនើបៗ អមជាមួយតម្លៃដ៏សមរម្យ ចាប់ពី $42,990 ប៉ុណ្ណោះ។ រថយន្ត Maxus D60 បានបំពាក់នូវមុខងារល្អៗជាច្រើន ដែលមនុស្សចូលចិត្ត និងត្រូវការមានដូចជា៖ ប្រព័ន្ធសោរឆ្លាតវៃ(smart key), កុងទ័រឌីជីថលដែលអាចប្តូរ​បាន៣បែប, ប្រព័ន្ធសាកថ្មទូរស័ព្ទឥតខ្សែ, ដំបូលលើធំបែប panoramic sunroof, កញ្ចក់ចំហៀងក្តោបអូតូ, ទ្វារឃ្លុបក្រោយបិទបើកដោយស្វ័យប្រវត្តិ និងជាពិសេសការរចនាដ៏ប្រណិតនៃផ្នែកខាងក្នុង បែបស៊ីវិល័យពណ៌ឈើរី  អមជាមួយកៅអីពូកស្បែកកម្រិតខ្ពស់ ដែលធ្វើឱ្យម្ចាស់រថយន្តទទួលបាននូវការបើកបរប្រកបដោយផាសុកភាព និងភាពងាយស្រួលនៃបទពិសោធន៍ថ្មី ជាមួយរថយន្ត Maxus D60 ។
  

ការបង្ហាញខ្លួននូវម៉ូដែលថ្មីរបស់ Maxus T90 ដែលជារថយន្តភីកអាប់ដ៏ល្អ អមជាមួយនឹងតម្លៃសមរម្យជាងគេ នៅក្នុងជួរនៃប្រភេទរថយន្តភីកអាប់ ដែលមានតម្លៃចាប់ផ្តើមពី $47,990 ប៉ុណ្ណោះ និងអាចបង់រំលោះជាមួយធនាគារជាដៃគូ បានយ៉ាងងាយស្រួល។ សម្រាប់ភាពធំទូលាយរបស់ Maxus T90 គឺអាចផ្តល់នូវការរួមដំណើរជាមួយមនុស្សពេញវ័យ៥នាក់ ដែលអាចអង្គុយបានដោយមានផាសុកភាព និងសុវត្ថិភាព។ ដំបូលលើកញ្ចក់ Sunroof ក៏ត្រូវបានបំពាក់លើ T90 ដែលអនុញ្ញាត្តិឱ្យពន្លឺធម្មជាតិ ជ្រៀតចូលទៅក្នុងកាប៊ីនយ៉ាងល្អ និងបង្កើតបរិយាកាសដ៏រស់រវើកក្នុងពេលធ្វើដំណើរ ហើយភាគច្រើននៃរថយន្តប្រភេទភីកអាប់ គឺមិនមានមុខងារនេះភ្ផាប់ជាមួយទេ។ រថយន្ត Maxus T90 ដំណើរការដោយម៉ាស៊ីនម៉ាស៊ូតចំណុះ 2.0T និងបានបន្ថែមនូវបច្ចេកវិទ្យាថ្មី នៃតួបូភ្លោះ (Bi-turbo) អមជាមួយប្រអប់លេខស្វ័យប្រវត្តិ៨វគ្គ ដែលផលិតកម្លាំងបាន 215hp និងកម្លាំងរមួល 500Nm ។ លើសពីនេះទៀត Maxus T90 រចនាដោយប្រភេទប៉ុង២ (2WD) ដែលអ្នកបើកបរអាចប្តូរមុខងារ ទៅតាមស្ថានភាពផ្លូវដូចជា ការប្រើប៉ុង១ 2H, ប៉ុង២ 4H, អូតូស្វ័យប្រវត្តិ និង 4L ។

 

ទន្ទឹមនឹងការនាំចូលនូវរថយន្ត SUV និងរថយន្តភីកអាប់មកកម្ពុជា Maxus ក៏មានរថយន្តលក្ខណៈគ្រួសារម៉ូឌែល Maxus G50 ដែលជាប្រភេទ MPV ៨កៅអីដ៏ប្រណិតនិងធំទូលាយ។ លោកអ្នកអាចស្វែងរករថយន្ត Maxus G50 បានក្នុងតម្លៃ $45,000 ជាមួយនឹងការរចនាផ្នែកខាងក្នុងដ៏ប្រណិត និងផ្នែកខាងក្រៅយ៉ាងទាក់ទាញ។ ការធ្វើដំណើររបស់អ្នកពិតជារីករាយដោយសារតែលក្ខណៈពិសេសៗ និងប្រព័ន្ធសុវត្ថិភាពជាច្រើនបានភ្ផាប់មកជាមួយ ដែលមានដូចជា កាមេរ៉ា 360 ដឺក្រេ និងសេនស័រ, ប្រព័ន្ធទ្វារដែកពីរជាន់ការពារសុវត្ថិភាពខ្ពស់, កៅអីសម្រាប់កូនតូចៗ (Isofix Child Seat), ពោងសុវត្ថិភាពស្តង់ដារ៦គ្រាប់, ប្រព័ន្ធហ្វ្រាំង ABS, ហ្វ្រាំងដៃអេឡិចត្រូនិក ក៏ត្រូវបានដំឡើងនៅលើ Maxus G50 ដែរ។ ជាមួយនឹងទំហំដ៏ធំបំផុតមួយ នៅថ្នាក់នៃប្រភេទរបស់វា លោកអ្នកអាចផ្ទុកសម្ភារបានកាន់តែល្អ និងបន្ថែមនូវអ្នករួមដំណើរកាន់តែច្រើនសម្រាប់ការធ្វើដំណើរ។

 

បើទោះបីជា ទិន្នន័យលក់ចេញដ៏ល្អរបស់យីហោ Maxus នៅកម្ពុជាបានកំពុងតែរីកចម្រើនក៏ដោយ ពួកគេក៏បានផ្តល់ឱ្យអតិថិជននូវសេវាកម្មលក់រថយន្តដ៏ល្អ និងសេវាកម្មថែរក្សាបន្ទាប់ពីអតិថិជនបានទិញរថយន្តយកទៅប្រើប្រាស់ ដោយផ្តល់នូវការធានាគុណភាពរយៈពេលពី 3 ទៅ 5 ឆ្នាំ និងសេវាកម្មថែទាំដោយឥតគិតថ្លៃផងដែរ។ ដូច្នេះលោកអ្នកទិញ និងប្រើប្រាស់រថយន្ត Maxus ដោយមានទំនុកចិត្តខ្ពស់ និងរីករាយគ្រប់ការធ្វើដំណើរ៕

 

(អត្ថបទពាណិជ្ជកម្ម)