អន្តរជាតិ
នយោបាយអន្តរជាតិ
Bloomberg៖ យន្តហោះដឹកប្រធានសភាតំណាងអាម៉េរិក ចុះចតនៅតៃវ៉ាន់ហើយ រូបពីAFP
× យន្តហោះដឹកប្រធានសភាតំណាងអាម៉េរិក លោកស្រី ណាន់ស៊ី ផេឡូស៊ី បានចុះចតនៅតៃវ៉ាន់ហើយនៅយប់ថ្ងៃទី២ ខែសីហា។ នេះបើតាមការចុះផ្សាយរបស់សារព័ត៌មាន Bloomberg។ នេះជាទស្សនកិច្ចរបស់មន្ត្រីអាម៉េរិកដែលមានតំណែងដ៏ខ្ពស់មួយ ចាប់តាំងពីឆ្នាំ១៩៩៧។
តាមការចុះផ្សាយរបស់សារព័ត៌មាន Bloomberg យន្តហោះលោកស្រីណាន់ស៊ី ផេឡូស៊ី បានចុះចតនៅអាកាសយានដ្ឋានតៃវ៉ាន់ហើយ។
នេះជាទស្សនកិច្ចរបស់មន្ត្រីអាម៉េរិកមានឋានៈខ្ពស់មួយ ទៅតៃវ៉ាន់លើកដំបូងចាប់តាំងពីឆ្នាំ ១៩៩៧។ កាលឆ្នាំនោះ លោក Newt Gingrich ប្រធានសភាតំណាងអាម៉េរិក ក៏បានធ្វើទស្សនកិច្ចនៅតៃវ៉ាន់ដែរ។
ស្របគ្នានេះ ក្រសួងការបរទេសចិន ក្នុងថ្ងៃទី២ ខែសីហា បានថ្កោសទោសយ៉ាងខ្លាំង ចំពោះដំណើរទស្សនកិច្ចរបស់ប្រធានសភាតំណាងនៅតៃវ៉ាន់។ បើតាមក្រសួងការបរទេស ក្រុងប៉េកាំង បានដាក់ពាក្យតវ៉ារួចហើយជាមួយក្រុងវ៉ាស៊ីនតោន។
ស្របពេលមានដំណើរទស្សនកិច្ចនេះ ទូរទស្សន៍ចិន CGTN បានចុះផ្សាយថា យន្តហោះចម្បាំងចិន SU-35 បានហោះឆ្លងកាត់ច្រកសមុទ្រតៃវ៉ាន់។
មុនដំណើរទស្សនកិច្ចនេះ ចិនបានព្រមានជាច្រើនលើកថា អាម៉េរិកទទួលតែខុសត្រូវ។ មិនតែប៉ុណ្ណោះ ប្រធានាធិបតីចិន លោកស៊ី ជិនភីង បានប្រាប់សមភាគីអាម៉េរិក លោក ចូ បៃឌិន ដោយផ្ទាល់ថា ប្រទេសណាលេងជាមួយភ្លើង ប្រទេសនោះនឹងរលាក៕
Tag:
អាម៉េរិក
ចិន
តៃវ៉ាន់
© រក្សាសិទ្ធិដោយ thmeythmey.com