សូមបញ្ជាក់ថា ក្រៅពីកិច្ចប្រជុំរដ្ឋមន្រ្តីការបរទសអាស៊ាន កិច្ចប្រជុំជាច្រើនទៀតក៏ត្រូវរៀបចំដែរដូចជាកិច្ចប្រជុំរដ្ឋមន្ត្រីការបរទេសអាស៊ានបូក, និងកិច្ចប្រជុំរដ្ឋមន្រ្តីការបរទេសអាស៊ានជាមួយដៃគូ កិច្ចប្រជុំវេទិកាតំបន់អាស៊ាន និងកិច្ចប្រជុំរដ្ឋមន្រ្តីការបរទេសអាស៊ីបូព៌ា។ កិច្ចប្រជុំនៅបញ្ចប់នៅថ្ងៃចុងសប្ដាហ៍នេះ។

 

តំណាងមកពីប្រទេសប្រមាណ៣៧ នឹងមានវត្តមានក្នុងកិច្ចប្រជុំនេះ។ រដ្ឋមន្ត្រីការបរទេសអាម៉េរិក អាន់តូនី ប្លីងខិន, រដ្ឋមន្ត្រីការបរទេសចិន វ៉ាង យី រដ្ឋមន្រ្តីការបរទេសរុស្ស៊ី ស៊ែហ្គេយ៍ ឡាវរ៉ូវ និងប្រមុខការទូតកូរ៉េខាងត្បូង ឥណ្ឌា ជប៉ុន ព្រមទាំងអូស្ត្រាលី ក៏មានវត្តមានសម្រាប់កិច្ចប្រជុំពាក់ព័ន្ធផងដែរ។ រដ្ឋមន្រ្តីការបរទេសនៃប្រទេសមួយចំនួនទៀត ក៏ត្រូវបានអញ្ជើញជាភ្ញៀវរបស់ប្រធានអាស៊ាន។

 

 

ជាមួយគ្នា រដ្ឋមន្រ្តីដែលអវត្តមាន គឺប្រមុខការទូតហ្វីលីពីន Enrique Manalo ដែលឆ្លងជំងឺកូវីដ-១៩ ឯកូរ៉េខាងជើង ចាត់តាំងអគ្គរដ្ឋទូតប្រចាំទីក្រុងភ្នំពេញ Jang Yun Gon ចូលរួមជំនួបវេទិកាតំបន់អាស៊ាន ជំនួសរដ្ឋមន្រ្តីការបរទេស Choe Son-hui ។ វេទិកាតំបន់អាស៊ាន ជាជំនួបសន្តិសុខពហុភាគីមួយគត់ដែលកូរ៉េខាងជើងមានវត្តមាន និងជាតុចរចាដែលមានវត្តមានកូរ៉េទាំងពីរ៕