COVID-19
អន្តរជាតិ
រដ្ឋមន្រ្តីការបរទេសសិង្ហបុរី មានលទ្ធផលវិជ្ជមានជំងឺកូវីដ-១៩ បន្ទាប់ពីកិច្ចប្រជុំអាស៊ាន លោក Vivian Balakrishnan រដ្ឋមន្រ្តីការបរទេសសិង្ហបុរី។ រូបភាពយកពីគណនីFacebookរបស់លោក
× រដ្ឋមន្រ្តីការបរទេសិសិង្ហបុរី លោក Vivian Balakrishnan នៅថ្ងៃទី៦ ខែសីហា បានអះអាងថា លោកមានលទ្ធផលវិជ្ជមាននៃជំងឺកូវីដ-១៩ បន្ទាប់ពីវិលត្រលប់ទៅប្រទេសវិញ ក្រោយកិច្ចប្រជុំរដ្ឋមន្រ្តីការបរទេសអាស៊ានលើកទី៥៥ នៅក្រុងភ្នំពេញ។
តាមរយៈសំណេរលើបណ្តាញសង្គម Facebook ប្រមុខការទូតសិង្ហបុរីលោក Vivian Balakrishnan បានអះអាងថា ពេលនេះលោកចេញរោគសញ្ញាកម្រិតស្រាល ដោយសារលោកបានទទួលវ៉ាក់សាំង និងដូសបន្ថែម។ ពេលនេះ លោកត្រូវសម្រាក និងអានសៀវភៅ។
ក្នុងសារដដែលនោះ រដ្ឋមន្រ្តីការបរទេសសិង្ហបុរី ក៏បានអំពាវនាវឱ្យអ្នកពាក់ព័ន្ធលោកក្នុងរយៈពេល ២ថ្ងៃចុងក្រោយធ្វើតេស្តរហ័សផង។ លទ្ធផលវិជ្ជមាននេះ កើតមានបន្ទាប់ពីលោក លោក Balakrishnan ទើបតែត្រលប់ទៅប្រទេសវិញ ក្រោយចូលរួមកិច្ចប្រជុំរដ្ឋមន្រ្តីការបរទេសអាស៊ាន៕
© រក្សាសិទ្ធិដោយ thmeythmey.com