ជាតិ
នយោបាយជាតិ
លោក ហ៊ុន ម៉ាណែត ចូលជួបប្រធានាធិបតី និងថ្នាក់ដឹកនាំជាន់ខ្ពស់ផ្សេងទៀតរបស់វៀតណាម ជំនួបរវាងលោក ហ៊ុន ម៉ាណែត និងលោក ង្វៀន សួនហ្វុក ប្រធានាធិបតីវៀតណាម
× ក្នុងដំណើរទស្សនកិច្ចនៅវៀតណាម ពីថ្ងៃទី៨ ដល់ថ្ងៃទី៩ ខែសីហា ឆ្នាំ២០២២ លោក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោកកម្ពុជា បានចូលជួបពិភាក្សាការងារជាមួយបណ្តាលមេដឹកនាំវៀតណាមមួយចំនួន រាប់ទាំងប្រធានាធិបតីផងដែរ។
លោក ង្វៀន សួនហ៊្វុក ប្រធានាធិបតីវៀតណាម បង្ហាញក្តីសង្ឃឹមថា មិនថាក្នុងតំណែងបច្ចុប្បន្ន ឬក្នុងតំណែងនាពេលអនាគត លោក ហ៊ុន ម៉ាណែត នឹងរួចចំណែកដល់ការពង្រឹងមិត្តភាពដ៏ល្អ និងកិច្ចសហប្រតិបត្តិការដ៏យូរអង្វែងរវាងកម្ពុជា-វៀតណាម។ នេះបើតាមខ្លឹមសារក្នុងអត្ថបទរបស់សារព័ត៌មានវៀតណាម ឈ្មោះ Vietnamplus។
ផ្អែកលើសារព័ត៌មាននេះដដែល លោក ហ៊ុន ម៉ាណែត បានថ្លែងអំណរគុណនៅចំពោះមុខប្រធានាធិបតេយ្យវៀតណាម សម្រាប់ការជួយគាំទ្ររបស់បក្សកុម្មុយនីស្ត កងទ័ព និងប្រជាជនវៀតណាម ដល់កម្ពុជា ក្នុងការតស៊ូផ្តួលរំលំរបបប្រល័យពូជសាសន៍រហូតបានជោគជ័យ ហើយការជួយនេះ ក៏ជាបុព្វហេតុ នាំឲ្យកម្ពុជា អាចកសាង និងអភិវឌ្ឍប្រទេសនាពេលបច្ចុប្បន្នផងដែរ។ ជាមួយគ្នានេះ លោក ស្នើឲ្យប្រទេសទាំង២ ពង្រឹងសាមគ្គីភាព ក្នុងការប្រឈមមុខជាមួយភាពមិនច្បាស់លាស់នៃបញ្ហាថ្នាក់តំបន់និងបញ្ហាអន្តរជាតិ៕
លោក ហ៊ុន ម៉ាណែត ចូលជួបលោក ហ្វាន វ៉ាន់ហ្សាង រដ្ឋមន្រ្តីការពារជាតិវៀតណាម។
លោក ហ៊ុន ម៉ាណែត និងលោក ង្វៀន តឹនគឿង អនុរដ្ឋមន្រ្តីការពារជាតិវៀតណាម ជួបពិភាក្សាគ្នា។
លោក ហ៊ុន ម៉ាណែត និងលោក វ៉ វ៉ាន់ធឿង លេខាអចិន្ត្រៃយ៍នៃគណៈកម្មាធិការមជ្ឈិមបក្សកុម្មុយនីស្តវៀតណាម ចាប់ដៃគ្នាក្នុងពិធីជំនួបទ្វេភាគី។
លោក ហ៊ុន ម៉ាណែត ជួបជជែកគ្នាជាមួយលោក ប៉ុយ ក្វាងហ៊ុយ លេខាទី១ នៃសហព័ន្ធយុវជនហូជីមិញ។
Tag:
ហ៊ុន ម៉ាណែត
វៀតណាម
ទំនាក់ទំនង
© រក្សាសិទ្ធិដោយ thmeythmey.com