អន្តរជាតិ
នាយករដ្ឋមន្ត្រីជប៉ុន និងប្រមុខ WHO ព្រមព្រៀងបើកសាខា WHO ថ្មីនៅជប៉ុន នាយករដ្ឋមន្រ្តីជប៉ុន គីស៊ីដា ហ្វូមីអូ ។ រូបថត Xinhua
× នាយករដ្ឋមន្រ្តីជប៉ុន គីស៊ីដា ហ្វូមីអូ និងអគ្គនាយកអង្គការសុខភាពពិភពលោក (WHO) Tedros Adhanom Ghebreyesus បានព្រមព្រៀងបង្កើតសាខាថ្មីមួយរបស់អង្គការសុខភាពពិភពលោក (WHO) នៅជប៉ុន។ នេះបើតាមការចុះផ្សាយលើទីភ្នាក់ងារព័ត៌មានជប៉ុនក្យូដូ នៅថ្ងៃទី១១ ខែសីហា។
អង្គការសុខភាពពិភពលោក (WHO) ត្រូវបានបង្កើតឡើងនៅឆ្នាំ ១៩៤៨ ដោយមានទីស្នាក់ការកណ្ដាលធំតែមួយនៅស្វ៊ីស ទីក្រុងហ្សឺណែវ។ WHO ក៏មានការិយាល័យប្រចាំប្រទេស១៥០ ជុំវិញពិភពលោកដែរ។
ដោយឡែក អគ្គនាយក WHO លោក Tedros Adhanom Ghebreyesus និងនាយករដ្ឋមន្ត្រីជប៉ុន គីស៊ីដា ហ្វូមីអូ ថ្មីៗនេះបានយល់ស្របគ្នាបើកទីស្នាក់ការថ្មីមួទៀតរបស់ WHO នៅជប៉ុន។
បើតាមទីភ្នាក់ងារព័ត៌មានជប៉ុនក្យូដូ នៅថ្ងៃទី១១ ខែសីហា ថ្នាក់ដឹកនាំទាំងពីរសង្ឃឹមថា ទីស្នាក់ការថ្មី WHO ដែលមានមូលដ្ឋាននៅជប៉ុននឹងបង្កើតមុនពេលរៀបចំកិច្ចប្រជុំកំពូលក្រុមប្រទេសមានសេដ្ឋកិច្ចរីកចម្រើនទាំង៧ (G7) នៅទីក្រុងហ៊ីរ៉ូស៊ីម៉ាដែលគ្រោងធ្វើនៅខែឧសភា ឆ្នាំ២០២៣។
ស្នាក់ការអង្គការ WHO ថ្មីនេះ មានគោលដៅពង្រឹងការគ្រប់គ្រងថែរក្សាសុខភាពមនុស្សជាសកល ក៏ដូចជាពង្រឹងប្រព័ន្ធវេជ្ជសាស្ត្រនៅបណ្ដាប្រទេសកំពុងអភិវឌ្ឍ និងដើម្បីជួយទប់ស្កាត់ការរីករាលដាលនៃជំងឺឆ្លងផ្សេងៗ៕
© រក្សាសិទ្ធិដោយ thmeythmey.com