បើតាម CDC ក្រុមហ៊ុនទាំងនេះរួមមាន ក្រុមហ៊ុន​ JADE FASHION (CAMBODIA) GARMENTS COMPANY LIMITED គ្រោងបង្កើតរោងចក្រកាត់ដេរសម្លៀកបំពាក់ ដែលមានទុនវិនិយោគប្រមាណ ៥,៣លានដុល្លារ។ ក្រុមហ៊ុននេះ មានទីតាំងវិនិយោគស្ថិតនៅ ខណ្ឌពោធិ៍សែនជ័យ ហើយអាចបង្កើតឱកាសការងារដល់ពលរដ្ឋចំនួន ១ ០២៤កន្លែង។
 

ទន្ទឹមនេះ CDC ក៏អនុញ្ញាតឱ្យក្រុមហ៊ុន HONG YU FANG GARMENT CO., LTD ដែលមានទីតាំងវិនិយោគនៅស្រុកគងពិសី ខេត្តកំពង់ស្ពឺ បោះទុនវិនិយោគប្រមាណ ៥,២ លានដុល្លារ។ ក្រុមហ៊ុនគ្រោងបង្កើតរោងចក្រកាត់ដេរសម្លៀកបំពាក់ ព្រមទាំងអាចបង្កើតឱកាសការងារបានចំនួន ១ ០២៩កន្លែង។
 

ក្រៅពីក្រុមហ៊ុនទាំងពីរខាងលើ CDC ក៏អនុម័តឱ្យក្រុមហ៊ុន​ SHUN WEI FANG ZHI KE JI CO., LTD គ្រោងបង្កើតរោងចក្រផលិតអំបោះគ្រប់ប្រភេទ ស្ថិតនៅស្រុកគងពិសី ខេត្តកំពង់ស្ព។ ក្រុមហ៊ុននេះ មានទុនវិនិយោគប្រមាណ ៥,២លានដុល្លារ ហើយអាចបង្កើតឱកាសការងារដល់ពលរដ្ឋបានចំនួន ២២៦កន្លែង៕