លោក ជួន ណារិន្ទ ប្រាប់សារព័ត៌មានថ្មីៗ នៅថ្ងៃទី២៤ ខែសីហា ឆ្នាំ២០២២ថា ក្រៅពីរំដោះស្រ្តីជនជាតិម៉ាឡេស៊ីជាជនរងគ្រោះ កម្លាំងសមត្ថកិច្ច ចាប់បានជនជាតិចិន៥នាក់ ជាជនល្មើស។ លោក បន្តថា កម្លាំងសមត្ថកិច្ច ចេញធ្វើប្រតិបត្តិការនេះ កាលពីយប់មិញ (២៣សីហា) បន្ទាប់ពីទទួលបានសេចក្តីរាយការណ៍ពីក្រុមការងារហ្វេសប៊ុករបស់សម្តេច ស ខេង ឧបនាយករដ្ឋមន្រ្តី-រដ្ឋមន្រ្តីក្រសួងមហាផ្ទៃ។ 
 

លោកស្នងការ បញ្ជាក់ដូច្នេះថា៖«គាត់ ត្រូវចាប់ជំរិត ចាប់បង្ខាំង។ ជនរងគ្រោះ គាត់ ក៏និយាយអ៊ីចឹងដែរ។ យើង កំពុងស្រាយជ្រាវបន្ត»៕