កីឡាអន្តរជាតិ
អន្តរជាតិ
La Liga ថ្កោលទោសអ្នកគាំទ្រ AT Madrid ចំពោះការរើសអើង Vinicius JR
× ក្របខណ្ឌលីគកីឡាបាល់ទាត់ La Liga អេស្ប៉ាញ នៅថ្ងៃទី១៩ ខែកញ្ញា បានថ្កោលទោសអ្នកគាំទ្រ Atletico Madrid ចំពោះការរើសអើសពូជសាសន៍លើខ្សែប្រយុទ្ធ Vinicius Junior របស់ Real Madrid។ អ្នកគាំទ្រ AT Madrid បានជេរប្រមាថ Vinicius ក្នុងជំនួប Madrid Derby នាកីឡដ្ឋាន Wanda Metropolitano។
ជំនួបលីគកំពូអេស្ប៉ាញដែល Real Madrid ឈ្នះ AT Madrid លទ្ធផល ២-១ ចុងសប្តាហ៍កន្លងទៅ បានបញ្ចប់ដោយទៅដោយបញ្ហា។ បញ្ហាទាំងនោះបង្កឡើយដោយអ្នកគាំទ្រម្ចាស់ផ្ទះ AT Madrid។ អ្នកគាំទ្រទាំងនោះបានបង្ហាញឥរិយាបថរើសអើងជាតិសាសន៍ទៅលើកីឡាករដ៏គួស្អប់ខ្ពើម។
ជុំវិញករណីខាងលើនេះ បើតាមសេចក្តីថ្លែងការណ៍របស់អ្នកនាំពាក្យ La Liga ក្របខណ្ឌកំពូលអេស្ប៉ាញ និងធ្វើគ្រប់យ៉ាងដើម្បីឱ្យបាល់ទាត់មានភាពប្រកួតប្រជែងដោយមិត្តភាព ភាពទាក់ទាញ និងគ្មានការរំលោភបំពានណាមួយកើតឡើយ។ La Liga បានថ្កោលទោសលើអ្នកគាំទ្រទាំងអស់នោះ និងចាត់វិធានការទប់ស្កាត់មិនឱ្យបញ្ហាបែបនេះកើតឡើង។
«យើងនឹងបកស្រាយរាល់ឧប្បត្តិហេតុទាំងអស់ក្នុងនិងក្រៅកីឡដ្ឋានប្រកួត យើងបានធ្វើការងារជាមួយក្លិបដើម្បីធ្វើឱ្យបាល់ទាត់យើងលេងដោយមានមិត្តភាព និងភាពទាក់ទាញ។ ចំពោះទង្វើនិងពាក្យសម្តីនៃការស្អប់ រើសអើស គ្មានទេក្នុង La Liga ហើយយើងក៏ធ្វើការងារជាមួយក្លិបដើម្បីចាត់វិធានការស្វែងរកជនដែលបង្កឱ្យមានភាពអយុត្តិធម៍កើតឡើងបែបនេះ»។ នេះបើតាមសម្តីអ្នកនាំពាក្យ La Liga។
ឈានដល់ពេលវេលាសម្រាកអន្តរជាតិ តាមលីគនានាក៏ត្រូវដល់ពេលសម្រាក សម្រាប់ទុកការប្រកួតទៅឱ្យក្រុមជម្រើសជាតិនៃប្រទេសក្នុងតំបន់។ Real Madrid ត្រឹមសប្តាហ៍ទី៦ នៃ La Liga រកបានជ័យជម្នះ ៦លើកហើយឈរកំពូលតារាងមាន ១៨ នាំមុខ Barcelona ដែលមាន ១៦ពិន្ទុ។ ប៉ុន្តែពេលប្រកួត Madrid Derby នោះត្រូវបានរំខានដោយអាកប្បកិរិយាអ្នកគាំទ្រក្រុម Atletico Madrid។
តាមវីដេអូដែលត្រូវបានគេបង្ហោះនៅលើបណ្តាញសង្គម អ្នកគាំទ្រ AT Madrid បានច្រៀងសំដៅចំៗទៅ Vinicius JR ដោយប្រើពាក្យថា «Vinicius ឯងគឺជាស្វាមួយក្បាល»។ លើសពីនេះ បើតាមប្រព័ន្ធផ្សព្វផ្សាយអេស្ប៉ាញ អ្នកគាំទ្រ AT-Madrid បានធ្វើសំឡេងសត្វស្វា និងស្រែកជេប្រមាថ Vinicius Die ត្រូវបានឮក្នុងកីឡដ្ឋាន Metropolitano អំឡុងពេលប្រកួត។
សំឡេងស្រែក បង្ហាញការរើសអើង កើនឡើងកាន់តែខ្លាំងក្រោយ Rodrygo បានស៊ុតបើកឆាកឱ្យ Real នៅនាទី១៨។ ទាំង Rodrygo និង Vinicius បានអបអរការស៊ុតចូលទីដោយការរាំនៅពីមុខក្រុមអ្នកគាំទ្រ Atletico Madrid។ អ្នកគាំទ្រ Atletico Madrid ក៏បានចោលវត្ថុផ្សេងលើកីឡាករទាំងពីរនេះថែមទៀតផង៕
© រក្សាសិទ្ធិដោយ thmeythmey.com