កីឡាអន្តរជាតិ
អន្តរជាតិ
Ronaldo ចង់បន្តលេងរហូតដល់ព្រឹត្តិការណ៍ Euro 2024 រូបភាព AFP
× Cristiano Ronaldo បានដាក់គោលដៅអាជីពជាកីឡាកររ ហូតដល់ការប្រកួតព្រឹត្តិការណ៍ UEFA Euro 2024 ។ ខ្សែប្រយុទ្ធក្រុមជម្រើសជាតិព័រទុយហ្គាល់ និង Manchester United រូបនេះ បានអះអាងថា គេគ្មានបំណងចូលនិវត្តន៍នាពេលឆាប់ៗនេះឡើយ។
«ដំណើររបស់ខ្ញុំមិនទាន់បញ្ចប់នោះទេ អ្នកនឹងនៅតែមើលឃើញ និងបន្តដំណើរជាមួយ Cris រយៈពេលយូរបន្តទៀត។ ខ្ញុំចង់ចូលរួមចំណែកនៅការប្រកួត World Cup និងការប្រកួត Euros ខ្ញុំមានអារម្មណ៍ថាមានកម្លាំងចិត្តខ្លាំងចំពោះរឿងនេះ មហិច្ជតារបស់ខ្ញុំគឺអស្ចារ្យណាស់។»។ Ronaldo និយាយបែបនេះ ក្រោយពេលទទួលបានបានរង្វាន់ជាកីឡាករជម្រើសជាតិ ដែលមានគ្រាប់បាល់ស៊ុតច្រើនជាគេបង្អោះនៅព័រទុយហ្គាល់។
សម្រាប់ក្រុមជម្រើសជាតិព័រទុយហ្គាល់ ខ្សែប្រយុទ្ធវ័យ ៣៧ឆ្នាំរកបាន ១១៧គ្រាប់ ក្នុងការបង្ហាញខ្លួន ១៨៩ប្រកួត ហើយ Ronaldo ត្រូវបានគេរំពឹងថា នឹងបង្ហាញខ្លួនលេងក្នុងការប្រកួតពានរង្វាន់លំដាប់អន្តរជាតិលើកទី១០ សម្រាប់ប្រទេសព័រទុយហ្គាល់នៅ World Cup ប្រទេសកាតា នាចុងឆ្នាំ ២០២២។
កាលពីខែកញ្ញាឆ្នាំ ២០២១ នៅពេលដែល Ronaldo បានបង្ហាញខ្លួនលេងតទល់ជាមួយក្រុមសាធារណរដ្ឋអៀឡង់ ពេលនោះកីឡាករក្រុមបិសាចក្រហមរូបនេះ រកបានគ្រាប់បាល់ទី ១០៩ ដែលជាគ្រាប់បំបែកកំណត់ត្រារបស់អតីតវីរបុរសអ៊ីរង់ Ale Daei ដែលរកគ្រាប់បាល់ច្រើនជាងគេបង្អោះ នាការប្រកួតអន្តរជាតិ ១០៨គ្រាប់។
តែទោះយ៉ាងណារដូវកាល ២០២២-២៣ នេះ Ronaldo នៅតែជាកីឡាករក្រុម Man Utd ។ បើទោះបីរូបគេមិនអាចផ្លាស់ប្តូរក្លិបផ្សេងបាន ហើយការចាប់ផ្តើមរដូវកាលថ្មីសម្រាប់ Ronaldo មានភាពរអាក់រអួលដោយមិនសូវបានបង្ហាញខ្លួនក្នុងជម្រើស ១១នាក់ដំបូងប៉ុន្មានឡើយ ដោយតែងអង្គុយកៅអីបម្រុង។ Ronaldo រកបានគ្រាប់ដំបូងឱ្យ Man United រដូវកាលថ្មីពេលរូបគេបង្ហាញខ្លួនទល់ក្រុម FC Sheriff ក្នុងជំនួប Europa League៕
Tag:
Cristiano Ronaldo
Euro 2024
© រក្សាសិទ្ធិដោយ thmeythmey.com