ការណែនាំទាំងនោះ រួមមានការត្រៀម​មុនពេល​បើក​បរលើ​ផ្លូវល្បឿនលឿន ផ្លាក​សញ្ញា​ប្រាប់ដំណឹង​មុននឹងចូល​ដល់​ផ្លូវល្បឿនលឿន ការបើកបរចូល​បញ្ជរបង់ប្រាក់ ផ្លាកសញ្ញា​ប្រាប់ដំណឹងពី​ការចាប់ផ្តើម​ចូល​ផ្លូវ​ល្បឿនលឿន ការ​បើក​បរយានយន្ត​ចូល​ក្នុងផ្លូវល្បឿនលឿន។

 

បន្ថែមពី​លើនេះ ក្រសួង​បានលម្អិត​លើ​ការ​ប្រើ​ប្រាស់​គន្លងផ្លូវល្បឿនលឿន ក្នុងនោះមាន​គម្លងផ្លូវ​សម្រាប់ទេសចរណ៍ធម្មតា ផ្លូវ​សម្រាប់ជែង និង​គម្លងផ្លូវ​សម្រាប់ឈប់បន្ទាន់ រួមទាំង​ការកំណត់​ល្បឿន​បើក​បរក្នុង​ល្បឿន​អប្បបរមា និង​អតិបរិមា។

 

 

ជាមួយគ្នានេះផងដែរ ក្រសួងបានចេញវីដេអូដើម្បី​​ក្រើនរម្លឹកជាថ្មីដល់អ្នកប្រើប្រាស់ផ្លូវ អំពី​លក្ខខណ្ឌប្រើប្រាស់ផ្លូវល្បឿនលឿនជាមុនដូចជា ទីតាំងច្រកចេញ-ចូល គន្លងផ្លូវ ការកំណត់ល្បឿនបើកបរ កន្លែងឈប់សម្រាក និងផ្តល់សេវាកម្ម ការស្វែងរកជំនួយសង្គ្រោះ និង​មធ្យោបាយត្រូវបានហាមឃាត់។