លោក សិទ្ធ គឹមកុលមុន្នី បានបញ្ជាក់ថា ក្នុងចំណោមពលរដ្ឋរងគ្រោះទាំងនោះ មាន៤៥៥៦គ្រួសារ ស្មើ ២០ ៥០២នាក់ បានជម្លៀសទៅទីទួលមានសុវត្ថិភាព។ បើតាមអ្នកនាំពាក្យរូបនេះ ដំណាំស្រូវដែលរងផលប៉ះពាល់មានជាង ១៩ម៉ឺនហិកតា និងខូចខាតជាង ៦ម៉ឺនហិកតា។ 
 

«ស្ថានភាពទឹកនៅតែបន្តជនលិចមិនទាន់ស្រកទេ មានតំបន់ខ្លះស្រកហើយកើនឡើងវិញ ដែលធ្វើឱ្យដំណាំស្រូវនៅបន្តខូចខាតកាន់តែច្រើនថែមទៀតនៅពេលខាងមុខ»។ នេះបើតាមលោក គឹមកុលមុន្នី ប្រាប់សារព័ត៌មានថ្មីៗ តាមប្រព័ន្ធតេឡេក្រាម នៅថ្ងៃទី ១៣ ខែតុលា។
 

ជំនន់ទឹកភ្លៀងនេះ បានបណ្ដាលឱ្យខេត្តចំនួន ២៣ រងផលប៉ះពាល់ ដោយក្នុងនោះខេត្តកំពង់ធំ សៀមរាប បន្ទាយមានជ័យ និងបាត់ដំបង រងគ្រោះខ្លាំងជាងគេ។ នេះបើតាមអ្នកនាំពាក្យគ្រោះមហន្តរាយ ៕