ស្រ្តីកម្ពុជា ក្នុងបេសកកម្មរក្សាសន្តិភាពនៃអង្គការសហប្រជាជាតិ

ជាតិ

ស្រ្តីកម្ពុជា ក្នុងបេសកកម្មរក្សាសន្តិភាពនៃអង្គការសហប្រជាជាតិ

26, Oct 2022 , 10:59 pm

រូបភាព

ដោយ: ហុង ស្រីណា

ភ្នំពេញ៖ ស្រ្តីក្នុងវិស័យរក្សាសន្តិភាព កំពុងដើរតួយ៉ាងសំខាន់ក្នុងការលើកកម្ពស់សមភាពយេនឌ័រឱ្យកាន់តែខ្លាំងក្លា។ ការបំពេញបេសកកម្មរបស់កងកម្លាំងនារី មិនខុសពីបុរសឡើយ ដោយដើរតួនាទីជាមេបញ្ជាការរង នាយប្រតិបត្តិការនាយទាហានសម្របសម្រួល ប្រតិបត្តិការដោះមីន ពេទ្យ វិស្វកម្ម កងរាជអាវធហត្ថ និងនាយទាហានភស្តុភារ។

កម្ពុជា បានចល័តកម្លាំងនារីដល់ទៅ១៥,២% លើសពីការរំពឹងទុករបស់ក្នុងការបំពេញបេសកកម្មរក្សាសន្តិភាពក្រោមឆត្រអង្គការសហប្រជាជាតិ។ ផ្អែកតាមយុទ្ធសាស្រ្តសមភាពយែនឌ័ររបស់ អ.ស.ប. ប្រទេសបរិច្ចាគកងកម្លាំងទាំងអស់កំណត់ឱ្យចល័តកម្លាំងនារីជានាយទាហានសេនាធិការដល់ទៅ២៥% និងក្នុងកងឱ្យបានដល់ទៅ១៥% នាឆ្នាំ២០២៨។ ដោយឡែក កម្ពុជាបានសម្រេចនូវគោលការណ៍នេះត្រឹមឆ្នាំ២០២២។