ជាតិ
នយោបាយជាតិ
អាម៉េរិក ប្រកាសថា បន្តឈរនៅជាមួយពលរដ្ឋកម្ពុជា សម្តេចនាយករដ្ឋមន្រ្តី ហ៊ុន សែន ទទួលស្វាគមន៍លោក អាន់តូនី ប្លិងខិន រដ្ឋមន្រ្តីការបរទេសអាម៉េរិក ពេលលោក មកបំពេញទស្សនកិច្ចនៅកម្ពុជា កាលពីខែសីហា ឆ្នាំ២០២២។ រូប៖ AFP
× លោក អាន់តូនី ប្លិងខិន (Antony Blinken) រដ្ឋមន្រ្តីការបរទេសអាម៉េរិក បានផ្ញើសារក្នុងនាមសហរដ្ឋអាម៉េរិកទាំងមូល ដើម្បីចូលរួមអបអរសាទរកម្ពុជា ដែលប្រារព្ធទិវាបុណ្យឯករាជ្យជាតិលើក៦៩ឆ្នាំ នៅថ្ងៃទី៩ ខែវិច្ឆិកា ឆ្នាំ២០២២។ បន្ថែមពីនេះ លោក បានរំលេចឡើងពីកិច្ចសហប្រតិបត្តិការរវាងអាម៉េរិក និងកម្ពុជាផងដែរ។
រដ្ឋមន្រ្តីការបរទេសអាម៉េរិក លើកឡើងដូច្នេះថា៖«យើង នឹងបន្តឈរនៅជាមួយប្រជាជនកម្ពុជា ដែលប្រាថ្នាឲ្យអនាគតប្រទេសជាតិ មានភាពរុងរឿង ប្រជាធិបតេយ្យ និងឯករាជ្យ»។ សាររបស់លោក ត្រូវបានបង្ហោះលើគេហទំព័ររបស់ក្រសួងការបរទេសអាម៉េរិក។
ជាមួយគ្នានេះ លោក បានសរសើរការដឹកនាំរបស់កម្ពុជា ក្នុងឋានៈជាប្រធានអាស៊ានឆ្នាំ២០២២នេះ។ លោក បន្តថា អាម៉េរិក ផ្តល់តម្លៃដល់កិច្ចសហការជាមួយកម្ពុជា ក្នុងការដោះស្រាយរួមគ្នាលើក្តីបារម្ភទាំងក្នុងតំបន់ទាំងក្នុងសាកលលោក ដូចជា វិបត្តិនៅមីយ៉ាន់ម៉ា និងនៅអ៊ុយក្រែន ជាដើម៕ Tag:
កម្ពុជា-អាម៉េរិក
Antony Blinken
បុណ្យឯករាជ្យ
© រក្សាសិទ្ធិដោយ thmeythmey.com