តាំង​ពី​ដំបូង ឆ្នាំ​១៩៦៤ វិស្វករ​របស់ 北京吉普 បាន​ច្នៃប្រឌិតរថយន្ដ​បង្វិល​កង់ទាំង៤មួយ ដែលស្រាល​ល្មម ដោយ​ចម្លង​តាម ប្រភេទ​រថយន្ដ​​សូវៀត УАЗ-469 តែម្ដង។ វា​បាន​ក្លាយ​ទៅ​ជា​ប្រភេទ 北京212 ហើយប្រភេទ 北京2020 បន្ទាប់​ពី​បាន​​សហការជាផ្លូវការ ជាមួយ​ក្រុមហ៊ុន​អាម៉េរិកាំង JEEP និង​យក​ឈ្មោះ Beijing JEEP Corporation វិញ (ក្រុមហ៊ុន JEEP នៃទីក្រុង​ប៉េកាំង)។ ត្រូវបាន​ផលិតរថយន្ដ​ប្រភេទ 北京212 ពី​ឆ្នាំ​១៩៦៥ រហូត​ដល់​ឆ្នាំ​១៩៨៦។ បន្ទាប់​មកត្រូវ​ផលិត​ឡាន​ប្រភេទ 北京2020 វិញ ពី​ឆ្នាំ​១៩៨៦ រហូត​ដល់​ឆ្នាំ២០០៥។ តាម​ពិត 北京212 និង 北京2020 ជា​ប្រភេទ​តែ​មួយ ​​​ខុសគ្នា​បន្តិចបន្តួច។ ​គេ​បន្ត​ផលិត​រថយន្ដ​ប្រភេទ​នេះ​ រហូត​ដល់​សព្វ​ថ្ងៃ​នេះ ប៉ុន្តែ​​មាន​ឈ្មោះ​ផ្សេង។ រថយន្ដ​ប្រភេទ 北京212 ត្រូវ​បាន​នាំ​ចេញ​ខ្លះ ​ទៅ​ប្រទេសក្រៅ ដូចជា អាល់បានី ឆាដ លីបី កូរ៉េ​ខាង​ជើង ប៉ាគីស្ថាន និង ស៊ីរី។ 北京212 មួយ​ចំនួន​ធំ បាន​បំរើ​​​​តម្រូវការ​យោធា។

 

រហូត​ដល់​ឆ្នាំ​១៩៨៤ 北京吉普 ប្រើ​ឈ្មោះ​ JEEP ដោយ​មិនមានសិទ្ធិ អនុញ្ញាតពី​ក្រុមហ៊ុនអាម៉េរិកាំង JEEP ! តាម​ពិត ​ក្រុមហ៊ុន​ចិន​មួយនេះ ​មិន​ចង់​បន្លំ​អតិថិជន​របស់​ខ្លួនទេ។ គឺ​វា​ប្រើ​ឈ្មោះ JEEP ចង់តំណាង​ឱ្យ​ឡាន​បែប​ JEEP មិន​មែន​ឡានម៉ាក JEEP ទេ។ ឆ្នាំ​២០០៥ ដោយសារ​ត្រូវ​សហការ​ជា​មួយ​​ក្រុមហ៊ុន​រថយន្ដ​​អាល្លឺម៉ង់ MERCEDES-BENZ វិញ វា​ដូរ​ឈ្មោះ​ទៅ​ជា​ Beijing BENZ ។ ពេល​បច្ចុប្បន្ន ក្រុម​ហ៊ុន​នេះ ​ស្ថិត​នៅ​ក្នុង​ក្រុម​សម្ព័ន្ធ ​Beijing AUTOMOBILE WORKS ៕

 

: