នៅមុនព្រឹត្តិការណ៍ ទីភ្នាក់ងារសារព័ត៌មានរ៉យទ័រ បាន​រាយការណ៍ថា ស្រាបៀរកន្លៈលីត្រនឹងមានតម្លៃប្រមាណ ៥០រីយ៉ាល ឬ ១៣,៧៣ដុល្លារអាម៉េរិក ក្នុងទីតាំងសម្រាប់អ្នកគាំទ្រព្រឹត្តិការណ៍បាល់ទាត់ពិភពលោក World Cup ក្នុងប្រទេសកាតា។​ 

កន្លងមក World Cup នៅប្រទេសកាតាទទួលបានការឧបត្ថម្ភលើផ្គត់ផ្គង់ភេសជ្ជៈ ស្រាបៀរដោយក្រុមហ៊ុនផលិតស្រាបៀរឈ្មោះថា​ Budweiser។ ក្រុមហ៊ុននេះ ទទួលបានសិទ្ធិលក់ស្រាបៀរនៅអំឡុងការប្រកួតទាំងមូលតែម្តង។ 
 

បើតាមសម្តីប្រភពដែលមិនបញ្ចេញឈ្មោះម្នាក់ ក្រុមហ៊ុន Budweiser នឹងប្រើផលិតផលខ្លួនដែលមានសមត្ថភាពទទួលអ្នកគាំទ្រជាង ៤០,០០០នាក់ក្នុងកម្មវិធី Fan Fest នៅចំកណ្តាលទីក្រុងដូហា នៃសួនកម្សាន្ត Doha’s Al Bidda តែម្តង។ ក្រុមហ៊ុនដដែលនេះក៏មានសិទ្ធិផ្តាច់មុខលក់ស្រាបៀរនាបរិវេនកីឡដ្ឋានប្រកួតដែរ ចំណែកតម្លៃស្រាបៀរគឺជិត ១៤ដុល្លារ សម្រាប់ចំណុះកន្លះលីត្រ។ នេះជាតម្លៃដ៏ខ្ពស់មួយ។
 

កាតាជាប្រទេសដែលកាន់សាសនាម៉ូស្លីម ដូច្នេះការផឹកស្រាជាដើមគឺរឿងមួយដែលប្រទេសមួយនេះបានហាមឃាត់ មិនដូចប្រទេសអារ៉ាប៊ីសាអូឌីតដែលនៅក្បែគ្នាឡើយ។ អារ៉ាប៊ីសាអូឌីត អនុញ្ញាតឱ្យអ្នកទេសចរណ៍ផឹកស្រានៅតាមទីសាធារណៈ។ 
 

ទាក់ទង់នឹងតម្លៃនៃស្រាបៀរនេះទៀតសោត កាលពីឆ្នាំ ២០១៩ អ្នករៀបចំកម្មវិធីប្រកួត World Cup ធ្លាប់បានលើកយកបញ្ហាមួយនេះមកពិភាក្សាជាមួយ FIFA ម្តងរួចមកហើយ ដោយពួកគេបានអះអាងថា ប្រទេសកាតានឹងផ្តល់ការលក់ស្របៀរទៅអ្នកគាំទ្រក្នុងតម្លៃទាបបំផុត។ កាលនោះអ្នករៀបចំកម្មវិធីបានបញ្ជាក់ថាស្រាបៀរ ០,៥លីត្រមានតម្លៃត្រឹម ៦,៥ ដុល្លារតែប៉ុណ្ណោះ។
 

មកដល់ឆ្នាំ ២០២២ ខណៈព្រឹត្តិការណ៍ហៀបមកដល់បញ្ហាតម្លៃនៃស្រាបៀរនៅតែជាបញ្ហាចោទដ៏សំខាន់ ហើយក្រៅតែពីការលក់ស្រាបៀរដែលមានសាធាតុអាល់កុល កាតាក៏មានលក់ស្រាបៀរដែលគ្មានជាតិអាកុលដែរនៅក្នុងតំបន់អ្នកគាំទ្រនោះ​ ដោយស្រាបៀរ ០,៥ មានតម្លៃប្រមាណ ៨,៣ដុល្លារ ហើយភេសជ្ជៈនានាមានតម្លៃចាប់ពី ៤,១ដុល្លារឡើងទៅ។

ដំបូងឡើយកាតាបានសម្រេចអនុញ្ញាតឱ្យមានការផឹកស្រាតែនៅក្រៅទីលានមុនពេលប្រកួត ៣ម៉ោង ប៉ុន្តែក្រោយមក ក៏អនុញ្ញាតឱ្យនៅក្នុងកីឡដ្ឋានភាគច្រើនវិញ៕