FIFA World Cup 2022។

កាតាក្លាយជាក្រុមដំបូងគេប្រចាំប្រវត្តិសាស្ត្រ៩២ឆ្នាំក្នុងនាមជាម្ចាស់ផ្ទះដែល​ចាញ់នៅថ្ងៃប្រកួត​បើកឆាក។

 

ការប្រកួតចាប់ផ្តើមនៅដើមវគ្គទីមួយក្រុមអេក្វាទ័រដែលធ្វើដំណើរមកពីទ្វីបអាម៉េរិកខាងត្បូងបានបើកការវាយសម្រុកខ្លាំងលើក្រុមម្ចាស់ផ្ទះដោយត្រឹមនាទី៣ ពួកគេអាចរកបានគ្រាប់បាល់ ១គ្រាប់បើកការនាំមុខមុនដោយកីឡាករខ្សែប្រយុទ្ធ Enner Valencia តែយ៉ាងណាគ្រាប់បាល់នោះមិនត្រូវបានផ្តល់ឪ្យដោយសារតែជាការបង្កកំហុសពីសំណាក់កីឡាករអេក្វាទ័ររំខានអ្នកចាំទីកាតា។ 

 

យ៉ាងណាមិញឈានដល់នាទី១៥អ្នកចាំទីកាតាបានបង្កកំហុសក្នុងតំបន់គ្រោះថ្នាក់រហូតត្រូវផ្តល់បាលពិន័យ១១ម៉ែត្រទៅអេក្វាទ័រ ខ្សែប្រយុទ្ធ Enner Valencia ដដែលជាអ្នកសម្រេចគ្រាប់បាល់ទីមួយសម្រាប់អេក្វាទ័រនិងគ្រាប់បាល់ទីពីររកបានដោយរូបគេដដែលដោយការតែតបាល់បញ្ជូលទីត្រឹមនាទី៣១ជាការបញ្ជូនពីមិត្តរួមក្រុម Angelo Preciado។ 

 

ការប្រកួតនៅវគ្គទីពីរលទ្ធផល ២-០គ្មានការប្រែប្រួលឡើយដោយកាតាអាចគ្រប់គ្រងស្ថានកាលមកវិញនិងអាចស្វែករកឱកាសបានមកវិញមួយលើកជាពីរលើកតែមិនសម្រេចសំណាញ់ទីលើអេក្វាទ័របានឡើយហើយកាប្រកួតបានអូសបន្លាយរហូតចប់ការប្រកួត។ 

 

នេះជាការខកចិត្តដ៏ធំមួយសម្រាប់ក្រុមម្ចាស់ផ្ទះដែលប្រកួតចាញ់នៅថ្ងៃបើកឆាកខណៈខ្លួនបានត្រៀមលក្ខណៈ

ច្រើនឆ្នាំសម្រាប់ការប្រកួត។ កាតាបានក្លាយជាក្រុមដំបូងគេប្រចាំប្រវតិ្តសាស្រ្ត FIFA ក្នុងនាមជាក្រុមម្ចាស់ផ្ទះប្រកួតចាញ់ចាប់តាំងពី World Cup បានបង្កើតឡើងតាំងពីឆ្នាំ ១៩៣០ មក។ 
 

ស្ថិតិ១០០ភាគរាយដែលក្រុមម្ចាស់ផ្ទះតែងប្រកួតឈ្នះនៅថ្ងៃបើកឆាកធ្លាក់មកនៅត្រឹម ៨៤ភាគរយឈ្នះនិង ១១ភាគរយចាញ់។ កាតានឹងត្រូវស្វាគមន៍សេណេហ្កាល់នៅថ្ងៃទី២៥ ខែវិច្ឆិកា

ដែលជាជំនួបទីពីរក្នុងពូល A មុនជួបហូឡង់នៅ ៤ថ្ងៃបន្ទាប់៕