អំឡុងពេលចុះល្បាតតាមគោលដៅ ដើម្បីទប់ស្កាត់ និងបង្ក្រាបបទល្មើសធនធានធម្មជាតិស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ជនសង្ស័យពីរនាក់ ជិះម៉ូតូម្នាក់មួយគ្រឿង ត្រូវបានមន្រ្តីឧទ្យានុរក្សស្ទាក់សួរ និងបានប្រទះឃើញសត្វល្វាចេកចំនួន ៣៩ក្បាល។ 

 

បើតាមការចេញផ្សាយរបស់ក្រសួងបរិស្ថាននាយប់ថ្ងៃទី២១ ខែវិច្ឆិកា ឆ្នាំ២០២២ ជនសង្ស័យបានលាក់នៅក្នុងអាវ និងនៅក្នុងម៉ូតូបម្រុងយកទៅលក់នៅប្រទេសវៀតណាម។ ក្រោយឃើញដូច្នេះ កម្លាំងសមត្ថកិច្ច បានឃាត់ខ្លួនបុរសទាំងពីរយកមកមន្ទីរបរិស្ថានខេត្តមណ្ឌលគិរីដើម្បីបន្តនីតិវិធីច្បាប់៕