កំពូលរថយន្ត THE NEW RANGE ROVER SPORT សេរីឆ្នាំ 2023 បានសម្ពោធជាផ្លូវការ នៅប្រទេសកម្ពុជា ក្នុងកម្មវិធីសម្ពោធរថយន្ត ដែលរៀបចំដោយក្រុមហ៊ុន Jaguar Land Rover Cambodia ក្រោមការអញ្ជើញចូលរួមយ៉ាងពិសេសពីសំណាក់ លោក ងន សាំង អគ្គនាយកនៃក្រុមហ៊ុន RMA Cambodia។

 

ក្នុងកិច្ចថ្លែងសុន្ទរកថាបើកកម្មវិធី​ លោក ងន សាំង អគ្គនាយកនៃក្រុមហ៊ុន RMA Cambodia បានលើកឡើងថាកំពូលរថយន្ត THE NEW RANGE ROVER SPORT សេរីថ្មី ត្រូវបាននាំចូលផ្តាច់មុខដោយក្រុមហ៊ុន RMA Cambodia ដែលជាក្រុមហ៊ុននាំចូលរថយន្តតែមួយគត់ និងដំបូងគេបង្អស់ ដែលទទួលស្គាល់ពីរដ្ឋាភិបាល ក្នុងការនាំចូលរថយន្ត ដែលមាន ស្តង់ដារ និងសុវត្តិភាពខ្ពស់។

 

 

ជាមួយគ្នានេះ លោកបានលើកឡើងថា ក្រៅពីការនាំចូលរថយន្ត ដែលមានគុណភាព ​ក្រុមហ៊ុន RMA Cambodia ធ្លាប់បានចូលរួមការងារសង្គមយ៉ាងសកម្ម ផងដែរ។

លោក ងន សាំង  លើកឡើងថា៖ «​​ បុគ្គលិកក្រុមហ៊ុន RMA Cambodia ប្រហែល៩០ភាគរយ ជាជនជាតិខ្មែរ ពួកយើងបានផ្តល់ការងារជូនប្រជាជនខ្មែរ ផ្តល់ចំណេះដឹងផ្នែកបច្ចេកវិទ្យាជូនពួកគាត់ តាមរយៈ ការបង្ហាត់ បង្រៀន។ ​ពួកយើងតែងតែជួយតាម សាលារៀន និងសាលាបណ្តុះបណ្តាល ទាក់ទងនឹងបច្ចេកទេសផ្សេងៗ ក៏ដូចជាការដាំដើមឈើ សម្អាតទីសាធារណៈ និងធ្វើគ្រប់យ៉ាងត្រឡប់ទៅសង្គមវិញ »។

 

ដោយឡែក លោក ហុង ឌីណា ប្រធានគ្រប់គ្រងផ្នែកលក់នៃរថយន្ត Jaguar Land Rover ប្រចាំប្រទេសកម្ពុជា បានលើកឡើងថា រថយន្ត THE NEW RANGE ROVER SPORT 2023 ​គឺជាកំពូលរថយន្តត្រកូល Range Rover ជំនាន់ទី 3 ដែលមានភាពសម្រិតសម្រាំងជាទីបំផុត ។   

លោក លើកឡើងថា «​ កំពូលរថយន្ត THE NEW RANGE ROVER SPORT  ប្រើប្រាស់ពេល 17 ឆ្នាំ បន្ទាប់ពី Range Rover ជំនាន់ទី​1 ផលិតឡើង នៅឆ្នាំ 2005 ដល់ 2013 និងជំនាន់ទី​2 ផលិតឡើង នៅឆ្នាំ 2013 ដល់ 2022 »។ ជាមួយរយៈពេល នៃការផលិតនេះ ធ្វើឱ្យរថយន្ត THE NEW RANGE ROVER SPORT នេះមានភាពសម្រិតសម្រាំង ល្អឥតខ្ចោះទាំង ខាងក្នុង និងខាងក្រៅ ជាមួយនិងកម្លាំងម៉ាស៊ីន ដ៏អស្ចារ្យ »។ 

 

គួរបញ្ជាក់ថា រថយន្ត​ THE NEW RANGE ROVER SPORT ជាកំពូលរថយន្ត​សេរីទំនើបមានបច្ចេកវិទ្យា​ខ្ពស់​​ និងកម្លាំងម៉ាស៊ីនខ្លាំង​ ជាមួយការរចនា​ឡើងយ៉ាងប្រណិតបែបកីឡា​។

 

ជាមួយកម្លាំងម៉ាស៊ីនដ៏អស្ចារ្យ​ THE NEW RANGE ROVER SPORT ត្រៀមខ្លួនជាស្រេចសម្រាប់គ្រប់ស្ថានភាពផ្លូវ​ និងគ្រប់កាលៈទេសៈ​ ធ្វើឱ្យដំណើរកម្សាន្តរបស់លោកអ្នក ​ប្រកបទៅដោយទំនុកចិត្ត​ និងសុវត្ថិភាពខ្ពស់​។

 

ចាប់ពីថ្ងៃនេះតទៅ អតិថិជនអាចមកមើលផ្ទាល់នៅអគារតាំងបង្ហាញ Jaguar Land Rover Cambodia ឬទំនាក់ទំនង តាមរយៈភ្នាក់ងារលក់របស់ Jaguar Land Rover Cambodia ឬតាមលេខ 070 999 111 ឬ 085 999 111 ។

កក់ថ្ងៃនេះ នឹងទទួលបានរថយន្តឆាប់ៗ​។ 

គួរបញ្ជាក់ថា Jaguar Land Rover Cambodia ស្ថិតនៅក្រោមក្រុមហ៊ុន អ អិម អេ ខេមបូឌា (RMA​ Cambodia) ដែលជាក្រុមហ៊ុននាំចូល និងចែកចាយ ផ្តាច់មុខនូវរថយន្តម៉ាក Jaguar និង​​ Land Rover ពីចក្រភពអង់គ្លេសដោយផ្ទាល់។ Jaguar Land Rover Cambodia មានទីតាំងស្ថិតនៅ តាមបណ្តោយមហាវិថី សហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ៕

ព័ត៌មានបន្ថែមអំពីរថយន្ត៖​ ​https://www.landrover.co.uk/vehicles/new-range-rover-sport/index.html

អត្ថបទពាណិជ្ជកម្ម

​