ក្នុងលិខិតអបអរសាទរទៅកាន់សន្និសីទទូទៅលើកទី១៦ និងកិច្ចប្រជុំទូទៅលើកទី៣០ នៃបណ្ឌិត្យ​សភាវិទ្យាសាស្ត្រពិភពលោកសម្រាប់ការរីកចំរើននៃវិទ្យាសាស្ត្រនៅក្នុងប្រទេសកំពុងអភិវឌ្ឍ (TWAS) នៅថ្ងៃទី២១ ខែវិច្ឆិកា ប្រធានាធិបតីចិន ស៊ី ជិនភីង សន្យាថា ចិននឹងចែករំលែកបច្ចេកវិទ្យាដែលចិនសម្រេចបានដល់ពិភពលោក។ 

 

កិច្ចប្រជុំ TWAS ធ្វើឡើងនៅទីក្រុង Hangzhou ក្នុងខេត្ត Zhejiang ។ 

ក្នុងសារដដែល លោក ស៊ី បន្តថា ចិនវាយតម្លៃខ្ពស់ចំពោះការអភិវឌ្ឍវិទ្យាសាស្ត្រ​ជាមូលដ្ឋាន​ហើយ​មាន​ឆន្ទៈក្នុងការពង្រឹងបន្ថែមទៀតនូវភាពបើកចំហការជឿទុកចិត្ត និងកិច្ចសហប្រតិបត្តិការរបស់ សហគមន៍អន្តរជាតិនៃវិទ្យាសាស្ត្រ និងបច្ចេកវិទ្យា រួមជាមួយនឹងប្រទេសដទៃទៀត។
 

TWAS ជាសាលាវិទ្យាសាស្ត្រសកលដែលមានមូលដ្ឋាននៅទីក្រុង Trieste អ៊ីតាលី ដែលធ្វើការ​ដើម្បី​ជំរុញវិទ្យាសាស្ត្រ និងវិស្វកម្មសម្រាប់ភាពរុងរឿងប្រកបដោយនិរន្តរភាពនៅ ក្នុងប្រទេសកំពុងអភិវឌ្ឍ៕