រដ្ឋមន្ត្រីទីមួយរស់ស្កុតឡេន លោកស្រី Nicola Sturgeon និងជាប្រធានគណបក្សជាតិស្កុតឡែន (SNP) មានបំណងចង់រៀបចំការធ្វើប្រជាមតិលើកទីពីរនៅថ្ងៃទី១៩ ខែតុលាឆ្នាំក្រោយ ក៏ប៉ុន្តែ​តុលាការកំពូលរបស់ចក្រភពអង់គ្លេសសម្រេចជាឯកច្ឆន្ទថា​ លោកស្រីមិន​មានសិទ្ធិ​អំណាច​ក្នុ​ង​ការ​ធ្វើ​រឿងនេះឡើយ។ 

 

«សភាស្កុតឡែនមិនមានសិទ្ធិអំណាចក្នុងការ​បង្កើតប្រជាមតិលើឯករាជ្យភាព​របស់ស្ដុតឡែននោះ​ឡើយ»។ ប្រធានសភាកំពូលចក្រភពអង់គ្លេសលោក Robert Reed បានលើកឡើង សង្កត់​ធ្ងន់​បែប​នេះក្នុងការសម្រេចថ្ងៃទី២៣ ខែវិច្ឆិកា។ 
 

ច្បាប់ស្កុតឡែន​ឆ្នាំ ១៩៩៨ បានត្រួសត្រាយផ្លូវសម្រាប់ការបង្កើតសភានៅស្កុតឡែន និងផ្ដល់ឱ្យ​អំណាចមួយចំនួនពីតុលាការកំពូល។ យ៉ាងណាមិញ បញ្ហាផ្សេងៗទាក់ទងនឹងសហភាពអឺរ៉ុប និងអង់គ្លេស នឹងត្រូវដោះស្រាយដោយសភាចក្រភពអង់គ្លេស។
 

លោកស្រី Sturgeon  បានបង្ហោះសារលើបណ្ដាញសង្គម Twitter  នៅថ្ងៃទី២៣ ខែវិច្ឆិកា​ថា ខណៈ​ដែលលោកស្រីខកចិត្តចំពោះសេចក្ដីសម្រេចមួយនេះ លោកស្រីគោរពចំពោះ​ចំណាត់​ការ​មួយ​នេះ​ផង​ដែរ។ 

 

ការស្ទង់មតិជាសាធារណៈកន្លងមកបង្ហាញថា ប្រជាជនបោះឆ្នោតមួយចំនួនគាំទ្រការឯករាជ្យភាព ខណៈប្រជាជនមួយចំនួនមិនគាំទ្រការទទួលបានឯករាជ្យនោះឡើយ ហើយយល់ឃើញថាការ​ធ្វើ​ប្រជា​មតិកើតឡើងឆាប់ពេក៕